Нүүр хуудас | Нийтлэлчдийн индэр | Мэдээний архив
Нэвтрэх нэр:
Нууц үг:
Бүртгүүлэх «|» Нууц үг мартсан?
Fact Shuum Нийгмийн шуум Гадаад Shuum Соёл, урлаг, спорт Оддын Shuum Авто Shuum TOMATO.MN
index
Амбан захирагч С.Г.Левченко эрчим хүч, аялал жуулчлалын хамтын ажиллагааг онцоллоо
2017.02.18

Монгол Улсын Их Хурлын дарга М.Энхболд ОХУ-ын Эрхүү мужийн амбан захирагч Сергей Георгиевич Левченког хүлээн авч уулзлаа.

УИХ-ын дарга М.Энхболд түүний Монгол Улсад хийж буй айлчлалд амжилт хүсээд энэ оны намар болох Эрхүү мужийн 80 жилийн ойн баярын мэндчилгээг дэвшүүлэв.-Манай хоёр орны харилцаа сүүлийн жилүүдэд бүхий л салбарт идэвхжиж, өндөр дээд хэмжээний харилцан айлчлал тогтмолжлоо. ОХУ-ын Ерөнхийлөгч В.Путин Монгол Улсад айлчилж, 2016 онд хоёр улсын Гадаад хэргийн сайд нар Улаанбаатар хотноо Стратегийн түншлэлийг хөгжүүлэх дунд хугацааны хөтөлбөрт гарын үсэг зурсан. Энэ ажлын хүрээнд 2016 оны 10-р сарын сүүлчээр ОХУ-ын Новосибирск хотноо “Монгол, Оросын хамтын ажиллагаа-2016” эдийн засгийн чуулга уулзалтыг хоёр улсын парламентын гишүүдийн идэвхтэй оролцоотойгоор амжилттай зохион байгуулсан билээ. Би өнгөрсөн оны 12-р сард ОХУ-д айлчлахдаа Холбооны хурлын Холбооны зөвлөлийн дарга В.И.Матвиенко, Төрийн Думын дарга В.В.Володин нартай уулзаж, хоёр улсын парламент хоорондын болон бусад салбарын хамтын ажиллагааг хөгжүүлэх олон асуудал хөндөж ярилцсаны дотор хоёр улсын хил залгаа бүс нутгийн харилцааг бүхий л түвшинд өргөжүүлэх асуудал чухал байр суурь эзэлсэн.  

Цаашид бид худалдаа, эдийн засгийн хамтын ажиллагаагаа илүү идэвхтэй, өргөн хүрээнд хөгжүүлэхийн зэрэгцээ, хамтарсан томоохон төсөл, хөтөлбөр хэрэгжүүлэх нь чухал. Энэ үйл ажиллагаанд газар нутгийн хувьд ойр, харилцааны баялаг сайхан уламжлалтай Эрхүү муж чухал үүрэг гүйцэтгэнэ гэдэгт эргэлзэхгүй байна хэмээн УИХ-ын дарга М.Энхболд уулзалтын эхэнд тэмдэглэж хэлэв.

Тэрбээр 10-аад жилийн өмнө Улаанбаатар хотын Мэрээр ажиллаж байхдаа Улаанбаатар, Эрхүү хотын харилцаа олон салбарт, амжилттай хөгжиж, урлаг соёлын олон сайхан арга хэмжээг хамтран зохион байгуулж байснаа дурсаад “Ноён С.Г.Левченко Таны энэ удаагийн айлчлал ах дүүсэг, найрсаг сайхан харилцааг сэргээн идэвхжүүлж, шинэ агуулгаар баяуулахад чухал түлхэц үзүүлнэ гэдэгт итгэж байна” гэлээ.

-Бид төр засгийн болон орон нутгийн ажлын өргөн баялаг туршлагатай, манай хоёр орны харилцааны өв уламжлалыг гүнээ хүндэтгэдэг Л.Амарсанааг Эрхүү мужийн Консулаар томилсон нь санаандгүй хэрэг биш юм. Түүнийг маш сайн ажиллаж, хамтын ажиллагааг шинэ түвшинд гаргахад чухал хувь нэмэр оруулна гэдэгт огт эргэлзэхгүй байна гэж М.Энхболд онцоллоо.

Ноён С.Г.Левченко хүлээн авч уулзаж буйд нь УИХ-ын дарга М.Энхболдод талархал илэрхийлээд, Эрхүү мужийн 80 жилийн ойн хүрээнд зохион байгуулагдах олон төрлийн арга хэмжээнд монгол нөхдөө хүлээн авахад бэлэн байна гээд УИХ-ын даргыг Эрхүүд хүрэлцэн очихыг урилаа.

Тэрбээр Улаанбаатар хотод саяхан байгуулагдсан ОХУ-ын Худалдааны төлөөлөгчийн газрын дэргэд “Эрхүү мужийн хөрөнгө оруулалтын агентлаг” буюу төлөөлөгчийн газар үүдээ нээж байгааг мэдээлэв.

Ноён С.Г.Левченко “Манай төлөөлөгчдийн бүрэлдэхүүнд Эрхүүгийн 25 томоохон аж ахуйн нэгжийн удирдлагууд багтаж яваа. Тэд монгол түншүүдтэйгээ хамтын ажиллагааны олон гэрээ, хэлцэл хийж байна. Эрхүүгийн Зам, тээврийн их сургууль монгол оюутныхаа тоог нэмж, ирэх намраас жил бүр 105 оюутан сургах гэрээ байгуулсныг жишээ нь, дурдаж болно.

Би Ерөнхий сайд Ж.Эрдэнэбаттай уулзахдаа монгол, орос “Оюутны отряд”-ыг Эрхүү болон Монгол Улсад харилцан ажиллуулах санал тавьсан. Манай залуу үеийнхэн ийнхүү хамтран сурч, ажилласнаар ахмад үеийнхнийхээ нөхөрлөл, найрамдалт харилцаа, үлгэр дуурайлыг өвлөн авах боломж нээгдэнэ. Манай Эрхүүгийнхэн Монгол Улсын хүүхдийн байгууллагуудтай нягт хамтран ажиллаж, солилцооны хөтөлбөр хэрэгжүүлдэг. Төлөөлөгчдийн бүрэлдэхүүнд манай Боловсролын сайд яваа. Тиймээс боловсролын харилцааг өргөжүүлэх олон асуудал хөндөж ярьж байгаа нь тодорхой.

Энэ оны 4-р сард Эрхүүд Монголын бараа бүтээгдэхүүний үзэсгэлэн худалдаа болно. Энэ арга хэмжээ хоёр орны бараа эргэлт, худалдаанд чухал нөлөө үзүүлнэ гэдэгт итгэлтэй байна гэлээ.

Тэрбээр хоёр гол асуудалд УИХ-ын дарга М.Энхболдын анхаарлыг хандуулахыг хүсч байна гэв. Нэгдүгээрт, Монгол Улсын эрчим хүчний системийг барьж байгуулахад Эрхүүгийн болон ЗХУ, ОХУ-ын инженер, техникийн ажилтнууд томоохон хувь нэмэр оруулсан билээ. Манай Эрхүү муж эрчим хүчний үйлдвэрлэлийн баялаг туршлагатай, шилдэг мэргэжилтэнтэй, хамгийн хямд эрчим хүч үйлдвэрлэдэг. Эдгээр үзүүлэлтээр Оростоо тэргүүлдэг. Дэлхийн II дайны дараа Братскийн, Иркутскийн, Усть-Илимскийн гээд олон томоохон усан цахилгаан станцууд барьж байгуулсан нь одоо ч амжилттай ажилласаар байна. Монгол Улс эрчим хүчний томоохон төсөл, хөтөлбөр хэрэгжүүлэхээр төлөвлөж байгааг бид мэднэ. Энэ бүтээн байгуулалтын үйл ажиллагаанд бид оролцож, тусалж дэмжихэд бэлэн байна.

Хоёрдугаарт, аялал жуучлал бол манай хоёр орны хамтын ажиллагааны нэг чухал чиглэл мөн. Хөвсгөл-Байгал нуурын аялал жуулчлалын томоохон маршрут нээхээр хоёр тал тохиролцсон. Гэвч Хөвсгөлөөс ОХУ-ын хил, Байгал нуур хүртэл сайн чанарын зам байхгүй учраас энэ төсөл урагшлахгүй байна. ОХУ-ын Засгийн газар Байгаль нуурын бүс нутагт тусгайлан анхаарлаа хандуулж, эрэг орчмын үйлдвэрүүдийг хаах, дэд бүтэц, экологийг хамгаалахад илүү анхаарал тавьж байгаа. Тиймээс замын асуудалд хоёр орны Засгийн газар хоорондын комиссын анхаарлыг хандуулах шаардлагатай гэж бид үзэж байна. 2017 оны Комиссын хуралдааныг Эрхүү хотод зохион байгуулж өгнө үү гэж миний бие Засгийн газраасаа хүсэх бодолтой байна. Таныг Монгол талаас энэ үйл ажиллагаанд дэмжлэг үзүүлэхийг хүсье гэлээ.

Ноён С.Г.Левченко Эрхүүд хоёр орны хамтарсан мод боловсруулах үйлдвэр байгуулах талаар Ерөнхий сайд Ж.Эрдэнэбаттай санал солилцсоноо дурдаад УИХ-ын дарга М.Энхболдод “Эрхүү мужийн хөрөнгө оруулалтын паспорт” гардуулав. “Энэхүү паспортод ойрын жилүүдэд хэрэгжүүлэхээр төлөвлөж байгаа томоохон төсөл хөтөлбөрүүдийн жагсаалт байгаа. Жагсаалтад Монголын төсөл хөтөлбөрүүд ч багтана гэдэгт итгэлтэй байна. Хөрөнгө оруулалтын болон эдийн засгийн форум, уулзалт, арга хэмжээ зохион байгуулах нь худалдаа, эдийн засгийн хамтын ажиллагааны өргөжилтөд нөлөө үзүүлнэ гэдэгт итгэж байна. Манай муж эдийн засаг, нийгмийн олон үзүүлэлтээр ОХУ-даа тэргүүлж байна. Манай муж Монгол Улстай хамтын ажиллагаагаа өргөжүүлснээр хоёр орны болон бүс нутгийн хамтын ажиллагаанд илүү амжилт олох болно” гэж тэрбээр хэллээ.

УИХ-ын дарга М.Энхболд Улаанбаатарт Худалдааны төлөөлөгчийн газраа байгуулсанд нь баяр хүргээд дэвшүүлсэн санал болон хамтарсан үйлдвэрлэл, хөрөнгө оруулалтын төсөл, үйл ажиллагааг дэмжихээ илэрхийллээ гэж УИХ-ын Тамгын газрын Хэвлэл мэдээлэл, олон нийттэй харилцах хэлтсээс мэдээлэв. 

УИХ-ын дарга М.Энхболд түүний Монгол Улсад хийж буй айлчлалд амжилт хүсээд энэ ...

Уншсан: 290 | Түгээх |
Холбоотой мэдээ
Ерөнхийлөгч Х.Баттулга гурван генералын цолыг хураах зарлиг гаргав
2018.04.24
ТГ-ын дарга, дэд даргад нэр дэвшигчийг 7 хоногийн хугацаанд иргэдээс санал авч тодруулна
2018.04.24
УИХ-ын байнгын хороодын хуралдаан болно
2018.04.24
УИХ-ын ажлын хэсгүүд хуралдана
2018.04.24
Үндэсний их баяр наадмыг зохион байгуулах хорооны хурал боллоо
2018.04.24
Уншигчдын бичсэн сэтгэгдэлд SHUUM.mn хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
Таны нэр:
Таны сэтгэгдэл:
Сэтгэгдэл Нийт: 0
Ерөнхийлөгч Х.Баттулга гурван генералын цолыг хура...
2018.04.24
ТГ-ын дарга, дэд даргад нэр дэвшигчийг 7 хоногийн...
2018.04.24
УИХ-ын байнгын хороодын хуралдаан болно
2018.04.24
УИХ-ын ажлын хэсгүүд хуралдана
2018.04.24
Үндэсний их баяр наадмыг зохион байгуулах хорооны ...
2018.04.24
Шадар сайд Ө.Энхтүвшин Азийн түншлэлийн хуралдааны...
2018.04.24
Төв цэвэрлэх байгууламжийн лаган дахь нян бактерий...
2018.04.24
Төвлөрлийг сааруулах чиглэлээр төрөөс баримталж бу...
2018.04.24
С. Амарсайхан: Мэргэшсэн боловсон хүчнээр хангагда...
2018.04.23
УИХ-ын Байнгын хороод хуралдана
2018.04.23
УИХ-ын ажлын хэсгүүдийн хуралдаан болно
2018.04.23
УИХ дахь намын бүлэг, ажлын хэсгүүдийн хуралдаан б...
2018.04.22
МАН-ын Ерөнхий нарийн бичгийн дарга Д.Амарбаясгала...
2018.04.20
Гашуунсухайт боомтын тээвэр эргэлт нэмэгджээ
2018.04.20
У.Хүрэлсүх: Ойрын хоёр жил утаатай тэмцэх, үр дүн ...
2018.04.20
Засгийн газар хөдөө орон нутагт явуулын амбулатори...
2018.04.20
Дундговь аймгийн Хөгжимт драмын театрын барилгын а...
2018.04.18
Тавантолгой ордоос нүүрс тээвэрлэж буй жолооч нары...
2018.04.18
Иргэнд газар өмчлүүлэх хуулийн хугацааг 10 жилээр ...
2018.04.18
Шадар сайд Ө.Энхтүвшин: Ярьж тохирсноо яв цав хэрэ...
2018.04.18
УИХ-ын байнгын хороод өнөөдөр хуралдана
2018.04.17
УИХ-ын ажлын хэсгүүдийн хуралдаан болно
2018.04.17
Засгийн газар өнөөдөр ээлжит хуралдаанаа хийнэ
2018.04.17
Бодлогын чуулган болон ажлын хэсгүүдийн уулзалтад ...
2018.04.17
Азийн сангийн суурин төлөөлөгч Марк Кэйнигтэй уул...
2018.04.17
УИХ-ын байнгын хороодын хуралдаан болно
2018.04.16
У.Хүрэлсүх: Тавантолгойн ашиглалтыг сайжруулах тал...
2018.04.15
Дундговь аймагт 150 хүүхдийн цэцэрлэгийг буулгаж, ...
2018.04.15
УИХ дахь намын бүлэг, ажлын хэсгүүдийн хуралдаан б...
2018.04.15
У.Хүрэлсүх: Хилийн боомтуудаа өргөтгөж хүчин чадлы...
2018.04.13
Amjilt.com сайтыг хаасан нь хэвлэлийн эрх чөлөөнд ...
2014.07.21
Эрчим хүчний сайд мэндчилгээ дэвшүүлжээ
2017.08.21
Энэ долоо хоногт УИХ-ын Байнгын хороодын хурлаар х...
2017.07.03
Ерөнхий сайд Ж.Эрдэнэбат Санкт-Петербургийн Олон У...
2017.06.02
Ц.Элбэгдоржид Засгийн газрын гишүүнийхтэй тэнцэх ц...
2017.08.10
Хөрөнгө оруулагчдын итгэлийг сэргээхэд Олон улсын ...
2017.07.20
Ирээдүй үеийнхэнд зориулсан илгээлт гардуулав
2017.09.08
УИХ-ын хаврын чуулган ирэх Пүрэв гарагт хаалтаа хи...
2017.07.03
УИХ дахь намын бүлэг, ажлын хэсгийн энэ 7 хоногийн...
2017.07.03
“Оргил”-ын Ж.Ганбаатар Эрчим хүчний сайд боло...
2017.09.20
Шинэчлэл хийх үү Шуналыг дэврээх үү
2017.09.22
Ерөнхий сайдын шийдвэр хэрэгжиж эхэллээ
2017.11.05
Монгол Улсын Ерөнхийлөгчийн 2017 оны ээлжит сонгуу...
2017.06.26
Монгол Ардын Намын XXVIII Их эхэллээ
2017.11.20
МАН-ын үе үеийн дарга нар уулзжээ
2017.11.20
Монгол Ардын Намын Бага хурлын гишүүд сонгогдлоо
2017.11.24
Төмөр зам, эрчим хүч, байгаль орчныг хамгаалах чиг...
2017.06.05
Цаазаар авах ялыг сэргээн хэрэглэх тухай саналыг ...
2017.11.28
Багийн дарга нарыг батламжилж байх санал дэвшүүлэв...
2017.08.21
Н.Цэрэнбат: Ойн нөөцөө хамгаалах, нэмэгдүүлэх зама...
2017.12.14
Монголын Урчуудын Эвлэлийг Сүхбаатарын одонгоор ша...
2017.12.17
УИХ-ын чуулганы нэгдсэн хуралдаан болно
2017.06.02
Нэг сая төгрөгөө буцаан төлж хувьцаагаа авч болно
2012.06.14
X дугаар хорооллын тохижилтын ажил энэ сарын 10-нд...
2017.06.05
Энэтхэг Улсаас манай улсад өгөх хөнгөлттэй зээлийг...
2017.06.05
УИХ-ын тогтоолын төслийн эцсийн хэлэлцүүлгийг хийл...
2017.06.07
Ерөнхийлөгч Ц.Элбэгдорж “Астана Экспо-2017” үз...
2017.06.12
УИХ дахь намын бүлэг, ажлын хэсгүүд хуралдана
2017.06.12
Сонгогчийн шилжилт хөдөлгөөнийг өнөөдрөөс зогсооно...
2017.06.12
У.Хүрэлсүх: МАН-ын түүх бол эрх чөлөө, их бүтээн б...
2018.03.01
250 x 200px
Бидний тухай | Сурталчилгаа байршуулах | Санал хүсэлт | Холбоо барих | Вэб сайт хийх | RSS
© Шуум.мн - ээс хуулбарлах хориотой, 2011