Хууль зүйн сайд Д.Дорлигжав АСЕМ-ийн уулзалтын үеэр үүрэг гүйцэтгэсэн тэргүүний албан хаагчдыг өнөөдөр шагналаа. Ингэхдээ 33 алба хаагчид хууль зүйн тэргүүний ажилтан, цагдаагийн алдар, хууль зүйн яамны жуух бичиг гардуулсан юм. ЦЕГ-ын 5000 орчим албан хаагч өнгөрсөн арванхоёрдугаар сараас аюулгүй байдлыг хангах чиглэлд ажиллаж, олон улсын хэмжээнд хүрсэн, технологид суурилсан хамгаалалтыг хийж чадсан. 100 жилд ганц тохиолдох АСЕМ-ын дээд түвшний уулзалтыг Монголд амжилттай зохион байгуулахад үүрэг авсан олон алба хаагчид гэртээ орох завгүй, нэгдүгээр зэргийн хамгаалалт авч ажилласан. Тэдний төлөөлөл өнөөдөр ийнхүү салбарын сайдаасаа шагнал хүртлээ.