Үнэт цаасны зах зээлийн үнэлгээ 2016 оны жилийн эцсийн байдлаар 1,474.2 тэрбум төгрөгт хүрлээ. Энэ нь 2015 оны жилийн эцсийнхтэй харьцуулахад 211.7 тэрбум төгрөгөөр буюу 16.8 хувиар өссөн үзүүлэлт юм. Үүнд ТОП-20 индекст багтдаг “Таван толгой” ХК, “Монгол Шуудан” ХК, “Говь” ХК, “Адуун чулуун” ХК-ийн хувьцааны ханш 9.36, 60.2, 19.4, 49.4 хувиар тус тус өссөн нь голлон нөлөөлжээ.
Зах зээлийн үнэлгээг үйлдвэрлэлийн аргаар тооцсон нэрлэсэн ДНБ-ний хэмжээтэй харьцуулахад 6.2 хувийг эзэлж, өмнөх оныхоос 0.8 хувиар, хувьцааны арилжааны үнийн дүнд харьцуулан хөрвөх чадварыг тооцсон дүн 3.3 нэгжид хүрч 0.9 нэгжээр өссөн байна. Хөрвөх чадварын түвшин өсөхөд багцын арилжаа гол нөлөөг үзүүлсэн бөгөөд энэ нь нийт хувьцааны арилжааны 69.6 хувийг бүрдүүлжээ гэж Санхүүгийн Зохицуулах хорооноос мэдээллээ.
Сэтгэгдэлүүд