Нийслэлийн мал, эмнэлгийн газар коронавирусийн дэгдэлттэй холбоотойгоор зэрлэг амьтдаас хүнд халдварладаг зоонозын өвчнүүдийн талаарх анхааруулга хүргэж байна. Тодруулбал, чоно, нохой, үнэг, муур, махчин амьтад, сарьсан багваахай, хярс, гахай, тарвага, шувуунаас зоонозын өвчин хүнд халдварладаг ажээ. Иймээс зэрлэг амьтны эд эрхтэн, тэдгээрийн гаралтай түүхий эдийг ашиглах, тээвэрлэх, худалдах болон худалдан авахгүй байхыг анхааруулжээ.