logo
Бээлий өмсөхийг уриалж байна

Бээлий өмсөхийг уриалж байна

2020/04/15

Өнөөдрийн байдлаар "COVID-19" халдвар дэлхийн 213 улс, бүс нутагт бүртгэгдээд байна. Монгол Улсад 30 тохиолдол зөөвөрлөгдөн орж ирснээс тав нь эдгэрч одоогоор 25 өвчтөн тусгаарлагдан эмчлүүлж байна. Цаг агаар дулаарч байгаатай холбоотойгоор иргэд амны хаалт зүүхгүй байх, гадуур хөл хөдөлгөөн ихсэх хандлага ажиглаж байна. Энэ байдал нь эрсдэлийг улам нэмэгдүүлж байгаа юм. 

ХӨСҮТ-ийн Ерөнхий захирал Д.Нямхүү "Монголчууд огт тайвширч болохгүй. Иргэн бүр амны хаалтаа зүүж, гарын ариун цэврийг чанд сахих ёстой. БНХАУ-д иргэд нимгэн цайвар бээлий өмсөж халдвараас маш сайн сэргийлж чадсан гэж дүгнэж байна. Мөн ихэнх хаалганы бариулыг зэвэрдэггүй хайлшаар хийсэн байдаг нь нян, халдвар түгээх өндөр эрсдэлтэй гэдгийг иргэд онцгойлон анхаарч гарын ариун цэврийг маш сайн сахих хэрэгтэй" гэлээ.


Монгол Улсад коронавирус COVID-19 бүртгэгдсэнтэй холбогдуулан Монгол Улсын Засгийн газрын 2020 оны 03 дугаар сарын 10-ны өдрийн хуралдаанаас өгсөн чиглэлийг үндэслэн тус сайтын сэтгэгдэл бичих талбарыг түр хааж байгааг үүгээр мэдэгдэж байна. SHUUM.MN сайтын редакц
Дээш