Өчигдөр ШИНЭ эвслээс 2020 оны УИХ-ын сонгуулийн үр дүнгийн талаар мэдээлэл хийж, тус эвслийг тэргүүлж байсан Ж.Батзандан Шинэ эвсэл нэг ч суудал авч чадаагүй тул хариуцлагаа хүлээн, эвслийн болон намын даргын суудлаа хүлээлгэн өгч байгаагаа мэдэгдлээ.
Мөн тэрбээр, "УИХ-ын найм дахь удаагийн сонгууль өчигдөр болж өнгөрлөө. Шинэ эвсэл энэ удаагийн сонгуульд оролцож, 200 гаруй мянган иргэний санал авсан байна. Сонгуулийн үйл ажиллагаатай холбоотой элдэв маргаан нэлээд гарсан. Хууль хяналтын байгууллага, иргэд, оролцсон байгууллагаас гарсан зөрчлүүдийг хянаж шийдвэрлэх ёстой гэж үзэж байна. Шинэ эвслийн төлөө саналаа өгсөн 230 мянга гаруй иргэддээ талархал илэрхийлье. Мөн дэмжээгүй мянга, мянган иргэдийн саналыг авахын төлөө хичээн ажиллана.
Мөн тэрбээр, "УИХ-ын найм дахь удаагийн сонгууль өчигдөр болж өнгөрлөө. Шинэ эвсэл энэ удаагийн сонгуульд оролцож, 200 гаруй мянган иргэний санал авсан байна. Сонгуулийн үйл ажиллагаатай холбоотой элдэв маргаан нэлээд гарсан. Хууль хяналтын байгууллага, иргэд, оролцсон байгууллагаас гарсан зөрчлүүдийг хянаж шийдвэрлэх ёстой гэж үзэж байна. Шинэ эвслийн төлөө саналаа өгсөн 230 мянга гаруй иргэддээ талархал илэрхийлье. Мөн дэмжээгүй мянга, мянган иргэдийн саналыг авахын төлөө хичээн ажиллана.
Миний бие Баянзүрх дүүргийн 23-р тойрогт нэр дэвшиж, 20 гаруй мянган иргэний санал авлаа. Гурван мандаттай, дөрөвт орлоо. Б.Жаргалсайхан дарга маань Чингэлтэй дүүрэгт дөрөвт орлоо, Л.Болд дарга маань олон мянган хүний санал авлаа. Хөдөө орон нутагт, нийслэлийн дүүргүүдэд нэр дэвшигчид маань ч олон санал авлаа. Харамсалтай нь, бид нэг ч суудал авч чадсангүй. Энэ маань бид үйл хэрэг, үзэл санаагаа улам өргөжүүлэх нь зүйтэй юм байна гэж бодож байна." гэлээ.
Мөн Шинэ намын Төв зөвлөлийн дарга Л.Болд улстөрийн хариуцлага хүлээж албан тушаалаа өгөхөө мэдэгдсэн байна.
Сэтгэгдэлүүд