МАХН-ын дарга Н.Энхбаяр  Төв аймаг дахь Авдрантын хорих ангид саатуулагдсанаас хойш дөрөв хонож байна. Түүнийг суллаж, батлан даалтад гаргах хүсэлтийг намын  гишүүд дэмжигчид, өмгөөлөгчдийн зүгээс тавьсаар байгаа ч Сүхбаатар дүүргийн шүүхээс өчигдөр 14 хоног үргэлжлүүлэн хорих захирамж гаргасан байна. Нэгэнт шүүхийн шийдвэр гарсан учир экс Ерөнхийлөгч Н.Энхбаяр дахин 10 хоног хоригдох нь тодорхой боллоо. Хэрэв түүнийг яллагдагчаар татсан тохиолдолд цааш үргэлжлүүлэн хорих ажээ. Мөн МАХН-ын зарим гишүүдэд эрүүгийн хэрэг үүсгэн шалгаж байгаа юм байна.