Энэ оны сүүлээр Их Британид жолоочгүй автомашиныг анх удаа турших гэж байна. Автын салбарт хэрэгжүүлэх 28 тэрбум фунтын санхүүжилттэй засгийн газрын хөтөлбөрийн хүрээнд энэхүү туршилтыг явуулах ажээ. Эхэн үеийн туршилтыг хотын захын болон хот хоорондын замд явуулахаар болсон байна. Оксфордын Их сургуулийн эрдэмтэд Nissan загварын автомашин ашиглан автомат жолоодлоготой машины технологи дээр ажиллажээ. Тэд хувийн эзэмшлийн талбайд жолоочгүй автомашиныг аль хэдийн туршаад байгаа ч ийм машиныг замын хөдөлгөөнд оролцуулж туршилт хийх зөвшөөрлийг зам Тээврийн Яам олгоогүй байгаа гэнэ. Машин автомат жолоодлоготой боловч аюулгүй байдлын үүднээс "туслах" жолооч машинд сууж явах юм байна. Дашрамд дурдахад Google компани жолоочгүй автомашиныг Сан Францискогийн 100,000 миль замд туршсан. Туршилтандаа камер, радаар болон лазер мэдрэгчүүдээр тоноглосон Prius загварын автомашиныг ашигласан юм.

Э.АМАР