Боловсрол, шинжлэх ухааны яамны Тусгай хэрэгцээт боловсролын хэлтэс Японы Хүүхдийг ивээх сангийн “Хүүхэд бүрийг Боловсролд тэгш хамруулах зарчмыг дэмжих нь” төсөлтэй хамтран “Тэгш хамруулан сургах боловсрол” үндэсний сургалт-семинарыг 2020 оны 10 дугаар сарын 8-9-ний өдрүүдэд зохион байгуулж байна.

Сургалт-семинарт аймаг, нийслэл, дүүргийн боловсролын газрын бага боловсрол, тусгай хэрэгцээт боловсрол хариуцсан мэргэжилтнүүд оролцож байна. Сургалт-семинараар мэргэжилтнүүдэд тусгай хэрэгцээт боловсрол шаардлагатай хүүхэдтэй ажиллах талаар арга зүйн дэмжлэг үзүүлэхийн зэрэгцээ төслийн хүрээнд хуримтлуулсан сайн туршлагаас харилцан суралцах юм.