Одоогоос нэг жилийн өмнө Муаммар Каддафийг алсан юм. 2011 оны 2-р сард Ливид 40 гаруй жилийн турш улс орноо удирдаж байсан хурандаа Каддафийг огцоруулахыг шаардсан олон нийтийн сурт жагсаал эхлэжээ. Хожим эдгээр цуглаан жагсаал засгийн газар ба сөрөг хүчний хоорондын зэвсэгт сөргөлдөөн болж хувирав. Байлдааны явцад Каддафийн дэглэмийг эсэргүүцэгчид НАТО-гийн хүчний дэмжлэгээр Ливийн бараг бүх нутгийг хяналтдаа авсан юм. 8-р сард сөрөг хүчин Ливийн нийслэл Триполи хотыг эзлэв. Каддафийг 2011 оны 10-р сарын 20-нд Сирт хотын дүүрэгт хороожээ. Түүний хүү Муатасемыг бас тэнд хөнөөжээ. Бүслэгдсэн Сирт хотоос гарч явахыг Каддафи оролдсон билээ. Түүний сууж явсан машины цувааг НАТО-гийн нисэх хүчин бууджээ. Каддафи Муатасем хоёрыг эрүүдэж алсан юм. Каддафийн шарилыг аж үйлдвэрийн нэгэн хөргөгчэд хийж дөрвөн өдрийн турш нийт олонд үзүүлжээ. Муааммар Каддафийг элсэн цөлд оршуулсан байна. Булш нь огцоруулсан удирдагчийн талынхны анхаарал татахаас эмээж чухам хаана оршуулсныг далдлан нууцалсаар байна.