Төмөр замын аюултай бүсээр иргэд зорчиж, галт тэргэнд дайруулан амь насаа алдах нь цөөнгүй. Тэгвэл энэ асуудлыг шийдвэрлэсэн нэгэн бүтээн байгуулалт Дархан-Уул аймагт бий болжээ. Тодруулбал, хуучнаар ЗТБХБЯ, Дархан-Уул аймгийн Засаг даргын Тамгын газрын захиалгаар Дархан өртөөнд 2012 оны улсын төсвөөр барихаар төсөвлөгдсөн 116 метр нүхэн гарцны ажлыг УБТЗ-ын Зам засварын машинт станц хугацаанд нь гүйцэтгэж, өнгөрсөн баасан гарагт Дархан-Уул аймагт нээлтээ хийлээ.
Нээлтийн ажиллагаанд УБТЗ-ын даргын үүрэг гүйцэтгэгч Д.Сэрээнэндорж, УБТЗ-ын замын аж ахуй хариуцсан орлогч Д.Батбаатар, Дархан-Уул аймгийн Засаг даргын орлогч Д.Батсүх, Дархан зангилааны дарга Ц.Ариунболд, Монголын Төмөр замчдын үйлдвэрчний холбооны дарга Эрдэнэ, УБТЗ-ын Зам засварын машинт станцын дарга Дашравдан нарын албаны хүмүүс болон төмөр замчид, дарханчуудын төлөөлөл оролцсон юм.
Дархан-Уул аймгийн Засаг даргын орлогч Д.Батсүх нүхэн гарцыг нээж хэлсэн үгэндээ “Монголд анх удаа хамгийн урт нүхэн гарцыг төмөр замчид Дарханд байгууллаа. Дарханчууд бахархах түүхтэй ард түмэн гэдгийг үүгээр баталж чадлаа. Энэхүү нүхэн гарцыг байгуулахад хамтран ажилласан ЗТБХБЯ, УБТЗ-ын үе үеийн удирлагууд төмөр замчдадаа нийт дарханчуудынхаа өмнөөс талархал илэрхийлье” гэв.
Гурван өдрийн дунджаар судалгаа авч үзэхэд Дарханы төмөр замын аюултай бүс буюу 10 зам дээгүүр нэг өдөрт 5176 хүн зорчдог байна. Галт тэргээр тооцвол хоногт 48 галт тэрэг явдаг. Энэ нь нэг цагт хоёр галт тэрэг гэсэн үг. Цаашлаад ачааны вагонд тавилт таталт гээд сэлгээ байна. Галт тэрэгний өндөр нягтаршилтай ийм үед өдөрт 5176 хүн зорчино гэдэг бол аюул. Тэгэхээр үүнээс ард иргэдийн аюулгүй байдлыг хангах үүднээс дээрх нүхэн гарцыг барьсан гэдгийг нээлтийн үеэр албаны хүн онцолж байв.
Түүнчлэн УБТЗ-ын даргын үүрэг гүйцэтгэгч Д.Сэрээнэндорж “Энэ ажлыг манай төмөр замчид хийсэн, бидний бүтээл юм. Зам тээврийн яам, Дархан-Уул аймгийн Засаг даргын Тамгын газрын захиалгаар УБТЗ-ын инженер, техникийн ажилтнууд 116 метр урттай нүхэн гарцыг улсын төсвийн 875 сая төгрөгөөр Монголд анх удаа барилаа.
Иргэдийнхээ аюулгүй байдлыг хамгаалахаар ажиллаж байгаа Монгол Улсын Засгийн газрын хийж буй ажлуудын нэг. Манай төмөр замчид эндээс маш их туршлага хуримтлуулсан. Тиймээс ирэх жил Сайншандад ийм гарц барина. Хэрвээ Улаанбаатар хотын захиргаа хөрөнгийг нь гаргавал нийслэлд найман газарт ийм нүхэн гарц барихаар төлөвлөсөн” гэлээ.
Тус нүхэн гарц гурван өрөөтэй бөгөөд эдгээрийн нэгэнд цагдаагийн ажилтнууд байрлаж, хяналтын камерыг 24 цагаар шалгаж, нүхэн гарцаар зорчиж буй иргэдийн аюулгүй байдлыг хянана.
Нөгөө хоёрт нь үйлчилгээний төв байгуулахаар ажиллаж байгаа аж. Үүгээрээ ашиглалт, гэрэлтүүлгийн зардал, байнгын эзэнтэй байлгах асуудлыг шийдэх юм байна.
Мөн энэ үеэр төмөр замчдыг шагнаж урамшууллаа. Ингээд “Залуучууд” театрын гоцлол хөгжимчин, морин хуурч Батдорж, дуучин Дашдулам нар “Уяхан замбуу тивийн наран” дуугаар нүхэн гарцны жаврыг үргээсэн юм.
Нээлтийн ажиллагаанд УБТЗ-ын даргын үүрэг гүйцэтгэгч Д.Сэрээнэндорж, УБТЗ-ын замын аж ахуй хариуцсан орлогч Д.Батбаатар, Дархан-Уул аймгийн Засаг даргын орлогч Д.Батсүх, Дархан зангилааны дарга Ц.Ариунболд, Монголын Төмөр замчдын үйлдвэрчний холбооны дарга Эрдэнэ, УБТЗ-ын Зам засварын машинт станцын дарга Дашравдан нарын албаны хүмүүс болон төмөр замчид, дарханчуудын төлөөлөл оролцсон юм.
Дархан-Уул аймгийн Засаг даргын орлогч Д.Батсүх нүхэн гарцыг нээж хэлсэн үгэндээ “Монголд анх удаа хамгийн урт нүхэн гарцыг төмөр замчид Дарханд байгууллаа. Дарханчууд бахархах түүхтэй ард түмэн гэдгийг үүгээр баталж чадлаа. Энэхүү нүхэн гарцыг байгуулахад хамтран ажилласан ЗТБХБЯ, УБТЗ-ын үе үеийн удирлагууд төмөр замчдадаа нийт дарханчуудынхаа өмнөөс талархал илэрхийлье” гэв.
Гурван өдрийн дунджаар судалгаа авч үзэхэд Дарханы төмөр замын аюултай бүс буюу 10 зам дээгүүр нэг өдөрт 5176 хүн зорчдог байна. Галт тэргээр тооцвол хоногт 48 галт тэрэг явдаг. Энэ нь нэг цагт хоёр галт тэрэг гэсэн үг. Цаашлаад ачааны вагонд тавилт таталт гээд сэлгээ байна. Галт тэрэгний өндөр нягтаршилтай ийм үед өдөрт 5176 хүн зорчино гэдэг бол аюул. Тэгэхээр үүнээс ард иргэдийн аюулгүй байдлыг хангах үүднээс дээрх нүхэн гарцыг барьсан гэдгийг нээлтийн үеэр албаны хүн онцолж байв.
Түүнчлэн УБТЗ-ын даргын үүрэг гүйцэтгэгч Д.Сэрээнэндорж “Энэ ажлыг манай төмөр замчид хийсэн, бидний бүтээл юм. Зам тээврийн яам, Дархан-Уул аймгийн Засаг даргын Тамгын газрын захиалгаар УБТЗ-ын инженер, техникийн ажилтнууд 116 метр урттай нүхэн гарцыг улсын төсвийн 875 сая төгрөгөөр Монголд анх удаа барилаа.
Иргэдийнхээ аюулгүй байдлыг хамгаалахаар ажиллаж байгаа Монгол Улсын Засгийн газрын хийж буй ажлуудын нэг. Манай төмөр замчид эндээс маш их туршлага хуримтлуулсан. Тиймээс ирэх жил Сайншандад ийм гарц барина. Хэрвээ Улаанбаатар хотын захиргаа хөрөнгийг нь гаргавал нийслэлд найман газарт ийм нүхэн гарц барихаар төлөвлөсөн” гэлээ.
Тус нүхэн гарц гурван өрөөтэй бөгөөд эдгээрийн нэгэнд цагдаагийн ажилтнууд байрлаж, хяналтын камерыг 24 цагаар шалгаж, нүхэн гарцаар зорчиж буй иргэдийн аюулгүй байдлыг хянана.
Нөгөө хоёрт нь үйлчилгээний төв байгуулахаар ажиллаж байгаа аж. Үүгээрээ ашиглалт, гэрэлтүүлгийн зардал, байнгын эзэнтэй байлгах асуудлыг шийдэх юм байна.
Мөн энэ үеэр төмөр замчдыг шагнаж урамшууллаа. Ингээд “Залуучууд” театрын гоцлол хөгжимчин, морин хуурч Батдорж, дуучин Дашдулам нар “Уяхан замбуу тивийн наран” дуугаар нүхэн гарцны жаврыг үргээсэн юм.
