АНУ-ын Ерөнхийлөгчийн сонгууль болоход хоёр долоо хоног хүрэхгүй хугацаа үлдлээ. Энэ сонгуульд Ардчилсан намаас нэр дэвшигч Барак Обама, Бүгд найрамдах намаас нэр дэвшигч Митт Ромни нарын хэнийг нь дэлхий дахин дэмжиж байгаа болон хэн нь сонгуулиар ямар үйл ажиллагаа явуулж байгаа талаар товчлон хүргэе.
Дэлхий нийт Обамад талтай байна
“ВВС” агентлагийн захиалгаар дэлхийн 21 оронд санал асуулга явуулжээ. Уг асуулгаар эдгээр орны иргэд “АНУ-ын дараачийн Ерөнхийлөгч хэн байгаасай гэж хүсч байна вэ” гэсэн асуултад хариулсан байна. Ингээд хариултыг нэгтгэтэл ихэнх нь Митт Ромнид бус, хуучин Ерөнхийлөгчийг дахин сонгогдоосой гэж хүсчээ.
Энэхүү санал асуулгыг “GlobeScan/PIPA” компани долоодугаар сарын 3-наас есдүгээр сарын 3-ны хооронд явуулсан бөгөөд нийт 21937 хүн оролцсон аж. Асуулгад оролцсон 21 орны 20 нь Обамаг дэмжжээ.
Ерөнхийдөө нэгтгэн дүгнэвэл санал асуулгад оролцогсдын 50 хувь нь Обама, дөнгөж есөн хувь нь Ромниг төрийн тэргүүнээр харах хүсэлтэй байв. Ялангуяа Обамаг францчууд маш их дэмжиж буй бололтой. Асуулгад оролцогсдын 72 хувь нь түүнд саналаа өгсөн гэнэ. Түүнчлэн Австрали, Канад, Нигери, Их Британи улсуудад ч түүний талынхан 60 хувийг эзэлж байна.
Харин Пакистанд 14 хувь нь Ромниг, 11 хувь нь Обамаг дэмжсэн аж. Ийнхүү энэ улс АНУ-ын өнөөгийн төрийн тэргүүнийг дэмжээгүй цорын ганц орон боллоо.
Яг энэ судалгааг “ВВС”-гийн захиалгаар дөрвөн жилийн өмнө дэлхийн 23 оронд явуулж байсан юм. Тэр үед үүнтэй ижилхэн үр дүн гарч байжээ. Тэгэхээр Обамаг дэмжигчдийн тоо дэлхий дахинаа буураагүй гэсэн үг.
Гэхдээ дэлхий дахин Обамад талтай хандаж байгаа нь Америкийн сонгогчдын бодолтой нийцэхгүй байна. Тэд хоёр нэр дэвшигчдэд ойролцоо санал өгөх магадлалтай байгаа билээ.
Компанийн удирдлагуудаар дамжуулан санал өгөхийг шаарджээ
АНУ-ын “The Athlentic” сонины сэтгүүлч Дэвид Грэхемийн мэдэгдсэнээр хувийн бизнес эрхлэгч Дэвид Зигелийн цахим шууданд нэгэн сонирхолтой захидал иржээ. Уг захидалд “Ажилчдадаа Митт Ромнигийн төлөө саналаа өгөхийг уриалаарай” хэмээн бичсэн байна. Учир нь, Обама ялбал улс орны эдийн засагт аюул учирч, тэдний компанид ч сөргөөр нөлөөлнө гэжээ.
Өнгөрсөн долоо хоногт “In These Times” сонины сэтгүүлч Майк Элк ч сонгуулийн сурталчилгааны цуврал материал нийтэлсэн. Ах дүү Кохын эзэмшлийн “Georgia Pacific” компанийн боссууд ажилчдадаа ийм ухуулга илгээжээ. Үүнээс гадна Митт Ромни АНУ-ын бизнесийн элитүүдтэй уулзах үеэрээ ажилчдадаа түүний төлөө санал өгөхийг шаард хэмээн үүрэгдсэн аж.
Тэрбээр “Та нар компанийнхаа ажилчдад зөвөөр ойлгуулсан гэж найдаж байна. Ирэх сонгуульд бид ялснаар та бүхэн үйлдвэрийнхээ ашиг сонирхлыг хамгаалан үлдэж, ажилчдын ирээдүйд эерэг нөлөө үзүүлж чадна. Бизнестээ эергээр нөлөөлөх хүчин зүйлсийн талаар ярих нь хууль зөрчсөн асуудал биш. Энэ бүхэн тэдний сонголтод нөлөө үзүүлбэл таны гэр бүл, үр хүүхдэд хэрэг болно” хэмээсэн байна.
Эрх зүйн шинжээчдийн мэдэгдсэнээр АНУ-ын ихэнх газар нутагт удирдлагуудын зүгээс ажилчдадаа ийм дарамт шахалт үзүүлэхийг хязгаарласан заалт байдаггүй гэнэ. Тиймээс ажил олгогчид ажилчдадаа өөрсдийн хүссэнээр санал өгүүлэх, шахах боломжтой гэсэн үг.
Калифорни мэтийн мэргэжлийн хүчирхэг холбоодтой мужуудад ийм зүйл ажиглагддаггүй байна. Харин Флорида зэрэг өмнөд хэсгийн ихэнх мужид боссууд нь ажилчдаа ажлаас хална хэмээн сүрдүүлж, улстөрийн дарамт учруулах хандлага ажиглагддаг аж.
Обама өрсөлдөгчдөө “Ромнезия” гэдэг онош тавив
АНУ-ын Ерөнхийлөгч Барак Обама энэ долоо хоногт Огайо мужийн Дейтон хотын иргэд, сонгогчидтой уулзах үеэрээ өрсөлдөгчдөө шинэ онош тавьжээ.
Тэрбээр Митт Ромниг ой санамжаа алддаг, улстөрийн өнөөгийн дэглэмд дасан зохицохын тулд үзэл бодлоо түргэн өөрчилдөг “Ромнезия” хэмээх өвчин туссан хэмээн тэмдэглэсэн байна. Обама түүнчлэн Дейтон хотын иргэдэд энэ өвчний халдвар авахгүй байхыг уриалжээ.
Ромни сэтгүүлчидтэй уулзахгүй
Сонгууль болоход цөөхөн хоног үлдсэн тул Митт Ромни сэтгүүлчдэд ярилцлага өгөхгүй гэнэ. Харин сонгогчдодоо илүү их цаг зарцуулахаар болжээ.
Харин Барак Обамагийн хувьд сонгуулийн өмнөх кампанит ажлаараа улс орноороо хэрэн хэсүүчилж байгаа ч ярилцлага өгөхөөс татгалзахгүй байгаа аж.
Дэлхий нийт Обамад талтай байна
“ВВС” агентлагийн захиалгаар дэлхийн 21 оронд санал асуулга явуулжээ. Уг асуулгаар эдгээр орны иргэд “АНУ-ын дараачийн Ерөнхийлөгч хэн байгаасай гэж хүсч байна вэ” гэсэн асуултад хариулсан байна. Ингээд хариултыг нэгтгэтэл ихэнх нь Митт Ромнид бус, хуучин Ерөнхийлөгчийг дахин сонгогдоосой гэж хүсчээ.
Энэхүү санал асуулгыг “GlobeScan/PIPA” компани долоодугаар сарын 3-наас есдүгээр сарын 3-ны хооронд явуулсан бөгөөд нийт 21937 хүн оролцсон аж. Асуулгад оролцсон 21 орны 20 нь Обамаг дэмжжээ.
Ерөнхийдөө нэгтгэн дүгнэвэл санал асуулгад оролцогсдын 50 хувь нь Обама, дөнгөж есөн хувь нь Ромниг төрийн тэргүүнээр харах хүсэлтэй байв. Ялангуяа Обамаг францчууд маш их дэмжиж буй бололтой. Асуулгад оролцогсдын 72 хувь нь түүнд саналаа өгсөн гэнэ. Түүнчлэн Австрали, Канад, Нигери, Их Британи улсуудад ч түүний талынхан 60 хувийг эзэлж байна.
Харин Пакистанд 14 хувь нь Ромниг, 11 хувь нь Обамаг дэмжсэн аж. Ийнхүү энэ улс АНУ-ын өнөөгийн төрийн тэргүүнийг дэмжээгүй цорын ганц орон боллоо.
Яг энэ судалгааг “ВВС”-гийн захиалгаар дөрвөн жилийн өмнө дэлхийн 23 оронд явуулж байсан юм. Тэр үед үүнтэй ижилхэн үр дүн гарч байжээ. Тэгэхээр Обамаг дэмжигчдийн тоо дэлхий дахинаа буураагүй гэсэн үг.
Гэхдээ дэлхий дахин Обамад талтай хандаж байгаа нь Америкийн сонгогчдын бодолтой нийцэхгүй байна. Тэд хоёр нэр дэвшигчдэд ойролцоо санал өгөх магадлалтай байгаа билээ.
Компанийн удирдлагуудаар дамжуулан санал өгөхийг шаарджээ
АНУ-ын “The Athlentic” сонины сэтгүүлч Дэвид Грэхемийн мэдэгдсэнээр хувийн бизнес эрхлэгч Дэвид Зигелийн цахим шууданд нэгэн сонирхолтой захидал иржээ. Уг захидалд “Ажилчдадаа Митт Ромнигийн төлөө саналаа өгөхийг уриалаарай” хэмээн бичсэн байна. Учир нь, Обама ялбал улс орны эдийн засагт аюул учирч, тэдний компанид ч сөргөөр нөлөөлнө гэжээ.
Өнгөрсөн долоо хоногт “In These Times” сонины сэтгүүлч Майк Элк ч сонгуулийн сурталчилгааны цуврал материал нийтэлсэн. Ах дүү Кохын эзэмшлийн “Georgia Pacific” компанийн боссууд ажилчдадаа ийм ухуулга илгээжээ. Үүнээс гадна Митт Ромни АНУ-ын бизнесийн элитүүдтэй уулзах үеэрээ ажилчдадаа түүний төлөө санал өгөхийг шаард хэмээн үүрэгдсэн аж.
Тэрбээр “Та нар компанийнхаа ажилчдад зөвөөр ойлгуулсан гэж найдаж байна. Ирэх сонгуульд бид ялснаар та бүхэн үйлдвэрийнхээ ашиг сонирхлыг хамгаалан үлдэж, ажилчдын ирээдүйд эерэг нөлөө үзүүлж чадна. Бизнестээ эергээр нөлөөлөх хүчин зүйлсийн талаар ярих нь хууль зөрчсөн асуудал биш. Энэ бүхэн тэдний сонголтод нөлөө үзүүлбэл таны гэр бүл, үр хүүхдэд хэрэг болно” хэмээсэн байна.
Эрх зүйн шинжээчдийн мэдэгдсэнээр АНУ-ын ихэнх газар нутагт удирдлагуудын зүгээс ажилчдадаа ийм дарамт шахалт үзүүлэхийг хязгаарласан заалт байдаггүй гэнэ. Тиймээс ажил олгогчид ажилчдадаа өөрсдийн хүссэнээр санал өгүүлэх, шахах боломжтой гэсэн үг.
Калифорни мэтийн мэргэжлийн хүчирхэг холбоодтой мужуудад ийм зүйл ажиглагддаггүй байна. Харин Флорида зэрэг өмнөд хэсгийн ихэнх мужид боссууд нь ажилчдаа ажлаас хална хэмээн сүрдүүлж, улстөрийн дарамт учруулах хандлага ажиглагддаг аж.
Обама өрсөлдөгчдөө “Ромнезия” гэдэг онош тавив
АНУ-ын Ерөнхийлөгч Барак Обама энэ долоо хоногт Огайо мужийн Дейтон хотын иргэд, сонгогчидтой уулзах үеэрээ өрсөлдөгчдөө шинэ онош тавьжээ.
Тэрбээр Митт Ромниг ой санамжаа алддаг, улстөрийн өнөөгийн дэглэмд дасан зохицохын тулд үзэл бодлоо түргэн өөрчилдөг “Ромнезия” хэмээх өвчин туссан хэмээн тэмдэглэсэн байна. Обама түүнчлэн Дейтон хотын иргэдэд энэ өвчний халдвар авахгүй байхыг уриалжээ.
Ромни сэтгүүлчидтэй уулзахгүй
Сонгууль болоход цөөхөн хоног үлдсэн тул Митт Ромни сэтгүүлчдэд ярилцлага өгөхгүй гэнэ. Харин сонгогчдодоо илүү их цаг зарцуулахаар болжээ.
Харин Барак Обамагийн хувьд сонгуулийн өмнөх кампанит ажлаараа улс орноороо хэрэн хэсүүчилж байгаа ч ярилцлага өгөхөөс татгалзахгүй байгаа аж.
