Соёл, спорт, аялал жуулчлалын яам (ССАЖЯ) нэгэн сонирхолтой аялалын багийг удахгүй Улаанбаатар хотноо хүлээн авах бэлтгэлээ хангаж байна. ОХУ-ын агаарын бөмбөлөгийн нэрт нисгэгч В.А. Ефремов нь өөрийн багийн нисгэгч В.Суродин, инженер Ю.Тюрин нарын хамт алдарт “Гэгээн Орос” агаарын бөмбөлөгөөрөө Улан-Үдэ хотоос гараагаа эхлэн Хиагт, Алтанбулагийн хилийн боомтоор дайрч Монголын нутгаар 2012 оны 12 дугаар сарын 5-6-ны өдрүүдэд нисч Улаанбаатар хотноо ирэх юм.
Энэхүү аялалыг ССАЖЯам, ОХУ-д суугаа Монгол улсын ЭСЯ, “Моя Москва” соёлын сангаас хамтран Монгол улс, ОХУ-ын хооронд найрамдлын гэрээ байгуулагдсны 100 жилийн ойг тохиолдуулан “Орос оронд хүрэх гүүр” төслийн хүрээнд хоёр улсын нутаг дэвсгэр дээгүүр явуулахаар зохион байгуулж байна. Аялалын Монголын талын ерөнхий ивээн тэтгэгчээр Н.Баатаржав ерөнхий захиралтай “Дашваанжил” ХХК оролцохоор ССАЖЯамтай тохирсон байна. Харин нэрт нисгэгч В.А. Ефремовын аялалыг ССАЖЯ-ны харъяа Спортын бэлтгэлийн төв гардан зохион байгуулж байгаа бөгөөд тэд 12 сарын 7-10-ны өдрүүдэд ССАЖЯ-ны удирдлага, их, дээд сургуулиудын оюутнуудтай уулзалт хийх, хэвлэлийн бага хуралд орох, түүх дурсгалын газар үзэх, сангийн үйл ажиллагаагаа сурталчилах зэрэг хөтөлбөрийн дагуу ажиллах юм байна.
“Моя Москва” соёлын сан 2005 онд анх байгуулагдсан ашгийн бус, Төрийн бус байгууллага юм. Тус сан нь соёл урлагийн хөгжлийг дэмжих, нийгэмд соёлын хүрээллийг нэмэгдүүлэх, хуримтлагдсан мэдээллийг түгээн дэлгэрүүлэх, залуу үеийн ёс суртахууны хүмүүжилд нөлөө үзүүлэх, шинэ үед иргэний үүрэг, эх оронч үзлийг төлөвшүүлэхэд оршдог байна. Тус байгууллага нь үзэсгэлэн зохион байгуулах, хэвлэл гаргах, орчин үеийн уран бүтээлчдийн цуглуулга бий болгох, аялалын төсөл дэмжих, өөрийн оронд соёлын төслийг хэрэгжүүлэхээс гадна олон улсад төсөл, хөтөлбөрт оролцож, хилийн чанд дахь мэргэжил нэгт нөхдөдөө дэмжлэг үзүүлдэг. Мөн тус байгууллага нь Москвагийн эх орончид шагналыг бий болгосон бөгөөд В.А.Ефримовын аялалыг зохион байгуулж байсан, Сергея Параджановагын бүтээлийг буцаан авчрах төсөл боловсруулж, залуу дизайнеруудын тэмцээн, Мянганы хүмүүс нэртэй нэвтэрхий толь зэргийг хэвлүүлжээ.
Энэхүү аялалыг ССАЖЯам, ОХУ-д суугаа Монгол улсын ЭСЯ, “Моя Москва” соёлын сангаас хамтран Монгол улс, ОХУ-ын хооронд найрамдлын гэрээ байгуулагдсны 100 жилийн ойг тохиолдуулан “Орос оронд хүрэх гүүр” төслийн хүрээнд хоёр улсын нутаг дэвсгэр дээгүүр явуулахаар зохион байгуулж байна. Аялалын Монголын талын ерөнхий ивээн тэтгэгчээр Н.Баатаржав ерөнхий захиралтай “Дашваанжил” ХХК оролцохоор ССАЖЯамтай тохирсон байна. Харин нэрт нисгэгч В.А. Ефремовын аялалыг ССАЖЯ-ны харъяа Спортын бэлтгэлийн төв гардан зохион байгуулж байгаа бөгөөд тэд 12 сарын 7-10-ны өдрүүдэд ССАЖЯ-ны удирдлага, их, дээд сургуулиудын оюутнуудтай уулзалт хийх, хэвлэлийн бага хуралд орох, түүх дурсгалын газар үзэх, сангийн үйл ажиллагаагаа сурталчилах зэрэг хөтөлбөрийн дагуу ажиллах юм байна.
“Моя Москва” соёлын сан 2005 онд анх байгуулагдсан ашгийн бус, Төрийн бус байгууллага юм. Тус сан нь соёл урлагийн хөгжлийг дэмжих, нийгэмд соёлын хүрээллийг нэмэгдүүлэх, хуримтлагдсан мэдээллийг түгээн дэлгэрүүлэх, залуу үеийн ёс суртахууны хүмүүжилд нөлөө үзүүлэх, шинэ үед иргэний үүрэг, эх оронч үзлийг төлөвшүүлэхэд оршдог байна. Тус байгууллага нь үзэсгэлэн зохион байгуулах, хэвлэл гаргах, орчин үеийн уран бүтээлчдийн цуглуулга бий болгох, аялалын төсөл дэмжих, өөрийн оронд соёлын төслийг хэрэгжүүлэхээс гадна олон улсад төсөл, хөтөлбөрт оролцож, хилийн чанд дахь мэргэжил нэгт нөхдөдөө дэмжлэг үзүүлдэг. Мөн тус байгууллага нь Москвагийн эх орончид шагналыг бий болгосон бөгөөд В.А.Ефримовын аялалыг зохион байгуулж байсан, Сергея Параджановагын бүтээлийг буцаан авчрах төсөл боловсруулж, залуу дизайнеруудын тэмцээн, Мянганы хүмүүс нэртэй нэвтэрхий толь зэргийг хэвлүүлжээ.
