Монголын Залуучуудын Холбооноос 90 жилийн түүхтэй “Залуучуудын үнэн” сониныг өнөөгийн залуусын хүсэл сонирхол, үзэл бодол, хэрэгцээг тусган шинэ өнгө төрх, нийтлэлийн бодлоготойгоор шинэчлэн гаргаж эхлээд багагүй хугацаа өнгөрч байгаа. Зөвхөн залуучуудад зориулан хэвлэгдэн гардаг сонин хэвлэл манайд цөөхөн байдгийн нэг нь энэхүү сонин юм. Дахин шинэчлэгдэн, шинэ өнгө төрхтэйгээр хэвлэгдэн гарч эхэлсэн цагаас хойш сонины нийтлэлийн бодлого илүү залуучуудад хандсан,тэдний үзэл бодлыг тусгасан, амжилтын түүх төдийгүй тэдний хайр сэтгэлийн нууцыг дэлгэж, хэрэгтэй сонирхолтой  мэдээллүүд, эрэн сурвалжилсан сурвалжлагууд нийтэлдэг болсон. Паркийн газар, “Залуу техникчдын ордон”-ыг эргүүлэн хүүхдүүдэд нь өгөх асуудал, Спиртийг биш спортыг сонгоцгооё аян, “Авлигын эсрэг залуус хамтдаа” аяны тухай та зөвхөн энэ сониноос дэлгэрэнгүй үнэн бодитой мэдээллийг авах боломжтой.  
Мөн тус сонин өнөөгийн нийгмийн түүчээ болж яваа залуусын төлөөлөл болсон амжилттай ажиллаж, салбартаа тэргүүлж яваа залуусыг онцлон нүүр хуудсандаа гаргадгаараа онцлогтой. Тухайлбал “Лондон-2012” Олимпийн хүрэл медальт С.Ням-Очир, МУГТ С.Батцэцэг, “Киви” хамтлагийн ахлагч, дуучин Ука, загвар зохион бүтээгч Ү.Юмжир, “Мисс Монголиа 2012” наадмын тэргүүн мисс Д.Долгион болон СТА, жүжигчин Э.Ууганбаяр, ОУИМ шатарчин Б.Мөнгөнтуул, Төрийн соёрхолт дуучин Д.Болд   зэрэг олон залуус энэ сонины нүүрийг чимж, чин сэтгэлийн дотно яриа өрнүүлсэн байна.
Тэгвэл ирэх долоо хоногийн “Залуучуудын Үнэн” сонины дугаарын нүүрийг чимэх тэр эрхэм хэн байх бол. Залуус аа сониноо захиалаад, сонирхолтой ярилцлагуудаа уншицгаая.
 
Дэлгэрэнгүй мэдээллийг:  http://www.facebook.com/myfederation?ref=hl