Энэ жил Монгол улсад Худалдаа үйлчилгээний салбар үүсч хөгсөний 92 жилийн ой, Хүнс Хөдөө Аж Үйлдвэрийн салбар үүсч хөгжсөний 83 жилийн ой тохиож байгаа. Энэхүү ойг тохиолдуулан “Монголын жижиг дунд үйлдвэр эрхлэгдийн өрсөлдөх чадварыг дэмжин судлах төв”-өөс монгол улсын эдийн засгийн салбарын хөгжилд бодитой хувь нэмэр оруулж, чанартай үйлчилгээ, баталгаат бүтээгдэхүүнээр дотоодын хэрэгцээгээ хангаж буй “Шилмэл буйдан” үйлдвэрийн хамт олонд тус төвийн дээд шагнал болох “Монголын төлөө” цом өргөмжлөлийг гардуулсан байна. “Тренд мебель” ХХК нь Монголын нийт хэрэглэгчиддээ мэрэгжлийн өндөр түвшинд, чанар стандартын өндөр шаардлага хангасан, тэдний хэрэгцээнд бүрэн тохирсон гэр ахуйн бүх төрлийн тавилга нийлүүлэх зорилгоор 2000 оноос хойш үйл ажиллагаагаа явуулж эхэлсэн бөгөөд өнгөрсөн 12 жилийн хугацаанд БНХАУ, Малайз, Хонконг зэрэг улсуудад зохиогддог Олон Улсын тавилгын үзэсгэлэн яармаг худалдаанаас шалгарсан Итали, Герман дизайнерууд болон мэрэгжилтэнүүдийн шинэ технологийг ашиглан үйлдвэрлэсэн шилдэг брэнд тавилгуудыг Монголынхоо хэрэглэгчдэд үйлдвэрээс нь шууд импортлон хүргэн ажиллаж байсан билээ.

“Шилмэл буйдан” брэнд нь 2012 онд олон улсын жишиг стандартад нийцсэн 2000 м2 талбай бүхий иж бүрэн тоног төхөөрөмжтэй монголын хамгийн том зөөлөн буйдангийн үйлдвэрийг ашиглалтанд оруулж, монгол хүний ур ухаан хүч хөдөлмөр гүн шингэсэн өвөрмөц хийц, орчин цагийн хэв шинжийг агуулсан шинэлэг загварийн буйдангуудыг шинэ технологи ашиглан үйлдвэрлэж эхэлсэнээр хэрэглэгчдийн таашаалд нийцсэн эрэлт хэрэгцээ ихтэй, импортыг бүрэн орлохуйц жинхэнэ чанарыг мэдрүүлсэн брэнд бүтээгдэхүүн болж чадсан юм.
Тиймээс “Шилмэл буйдан” брэнд нь 2012 оны 4-р сард ХХААХҮЯ-Засгийн газрын хэрэгжүүлэгч агентлаг, Ой модны нэгдсэн холбоо, Жижиг дунд үйлдвэрлэлийн газрын санаачлагаар "Мишээл Экспо" төвд зохиогдсон "Монголд үйлдвэрлэв 2012" үзэсгэлэн худалдаанаас "Хэрэглэгчдийн таашаалд нийцсэн бүтээгдэхүүн","Чанарын алтан медаль" зэрэг шагналуудын эзэн болж байжээ.
Та ЭНД дарж “Трэнд мебель” ХХК-ийн бүтээгдэхүүн, худалдаа болон салбар, байршлын талаар мэдээлэл авах боломжтой.