Өчигдөр буюу өнгөрсөн Баасан гарагт Дарханы Гурил тэжээлийн үйлдвэрийг Чингис хаан банкны Громовын 20 хүн бүслээд гаднаас ямар ч хүн оруулахгүй байсан тухай  мэдээллийг Дархан-Уул аймгаас бидэнд ирүүллээ.  Хэдхэн хоногийн өмнө тус компаний 65 хувийг эзэмшдэг УИХ-ын гишүүн асан  Д.Балдан-Очир хэвлэлүүдэд ярилцлага өгч,  гишүүн байхдаа Оюутолгойн гэрээг эсэргүүцэж, ‘’эсэргүү дөрөв’’  нэр авч, улмаар намаасаа нэр дэвшсэн боловч тойрогт битгий дэмжээрэй гэсэн чиглэлийг намын удирдлагаас өгч  байсныг илчилсэн  нээлттэй ярилцлагын   хэдхэн хоногийн дараахан   түүний дийлэнх хувьцааг нь  эзэмшдэг  компанийг ийнхүү  эзлэн авсан байна. Тухайн үед хамгаалалт авахаар Дархан-Уул аймгийн Цагдаагийн хэлтэст хандсан боловч ямар нэгэн  хариу  өгөлгүй  удсаныг эх сурвалж хэлэв.