Франц улсын Бордо хотноо Олон улсын төгөлдөр хуурчдын XII дахь уралдаанд зохион байгуулагдсан байна. Энэ уралдаанд ОХУ, Франц, ЧЕХ, Испани, Солонгос, Кувейт, Украйн, Сингапур зэрэг 10 гаруй орны төгөлдөр хуурчид оролцжээ. Манай улсаас СУИС-ын төгөлдөр хуурын багш Ц.Энхтөр, А.Энх-амгалан нар мэргэжлийн төгөлдөр хуурчдын хоршил хөгжмийн төрөлд оролцон тэргүүн байрын шагналыг хүртжээ. Тэд дөрвөн жил хамтдаа хоршин тоглож БНХАУ-Хөх хот, Кунминг, Франц мөн Монгол улсдаа “Piano Duo” буюу “төгөлдөр хуурын хоршил” хэмээх том хэмжээний концертонд оролцож байжээ. Уг концертод Францын алдарт хөгжмийн зохиолч Ф.Пуленкийн хоёр төгөлдөр хуурын концертыг анх удаа симфони найрал хөгжимтэй эгшиглүүлсэн билээ. Франц улсын Бордо хотноо зохиогдсон уралдаанд оролцогчид зөвхөн францын хөгжмийн зохиолчдын бүтээл үүдээс тоглосон байна. Энэхүү уралдааныг Франц улсын Бордо хотын засгийн газраас санхүүжүүлэн зохион байгуулдаг бөгөөд мэргэжлийн, сонирхогчдын гэж ангилдаг байна. Мэргэжлийн төгөлдөр хуурчдын хоршил хөгжмийн төрөлд нийт 17 мэргэжлийн баг өрсөлдсөнөөс I байранд Монгол улс, II байранд Франц улс, III байранд Сингапур улсын уран бүтээлчид тус тус орсон байна.
Ц.Од