АНУ-ын прокурорын газар 4-р сарын 15-ны өдөр Бостонд марафон гүйлтийн үеэрх халдлагыг зохион байгуулсан хэрэгт холбоотой Жохар Царнаевыг яллахаар бэлтгэж байна. Хоёр хоногийн өмнө баривчлагдах үедээ хүнд шархадсан Царнаев одоогоор  эмнэлэгт өндөржүүлсэн хамгаалтанд байгаа юм.

Сэжигтэн нь ням гарагт ухаан орж, ярьж чадахгуйн улмаас бичгээр мэдүүлэг өгчээ. Бостон хотын дарга Томас Мненино  Царнаевын биеийн байдал маш хүнд байгаа учраас, түүнээс мэдүүлэг авч чадна гэдэгт итгэхгүй байна гэлээ.

Бостоны халдлагад ах дүү хоёр Тамерлан, Жохар Царнаевынхныг сэжиглэж байгаа бөгөөд тэд ОХУ-ын Хойд-Кавказын бүс нутгийн чечень үндэстэн юм. Тэд 2000 оны эхэн үеэс АНУ-д амьдарч байжээ. АНУ-ын тусгай албанхны эх сурвалжуудын мэдээлснээр, Тамерлан Царнаев нь өмнө нь Хойд Кавказад очиж байхдаа лалын шашны экстремист бүлгэмийнхэнтэй холбоо тогтоосон байж мэдэх аж. Түүнийг баривчлах үед тэр алагдсан билээ.

Америкийн тусгай албаны төлөөлөгчид Тамерлан Царнаевын Бостонд халдлага явуулсан тухай талийгаачийн бэлбэсэн эхнэр Кэтрин Расселийг байцаахаар төлөвлөж байна. Тамерлан эхнэр болон гурван настай охинтойгоо амьдардаг байжээ. 24 настай Кэтрин Рассел нь Царнаевын эхнэр болохын тулд  лалын шашинтан болжээ. Нөгөөтэйгүүр, Царнаев болон Рассел нарын албан ёсны хуримыг нотлох дүрс бичлэг байдаггүй байна.