УИХ-ын чуулганаар Ерөнхий сайдыг огцруулах эсэх асуудлаар дөнгөж сая санал хураалт явуулж, 66,7 хувийн саналаар огцруулах шаардлагагүй гэж үзлээ.

МАН-аас өргөн мэдүүлсэн Ерөнхий сайд Н.Алтанхуягийг огцруулах саналыг УИХ-ын нэгдсэн чуулган хоёр долоо хоног дамнаж хэлэлцэн дөнгөж сая шийдвэр гаргалаа.

Санал хураалтын өмнө МАН-аас дэвшүүлсэн огцруулах есөн үндэслэлд Ерөнхий сайд хариулт өгч, МАН-ынханд бүтээлч сөрөг хүчин байхыг уриалсан юм.

Төгсгөлд нь санал хураалт явуулахад 69 гишүүн оролцсоноос 46 гишүүн буюу 66,7 хувь нь огцруулах шаардлагагүй гэсэн бол 23 буюу 33,3 хувь нь татгалзсан байна.