Лениний музейн барилгын асуудлаарх шүүх хурал өнөөдөр Чингэлтэй дүүргийн шүүхийн танхимд болж өнгөрлөө. Дөрвөн ч удаа хойшлоод байсан уг шүүх хуралд хариуцагч тал болох Монгол Ардын намаас төлөөлөл ирээгүй ч хурлыг хойшлуулах шаардлагагүй хэмээн шүүх бүрэлдэхүүн үзсэн үүднээс  шүүх бүрэлдэхүүн Лениний музейн өмчлөгчөөр төрийг тогтоож, МАН-ын хууль бус эзэмшлээс албадан чөлөөлүүлэх шийдвэр гаргасан байна.  Ийнхүү Монгол Ардын намаас Лениний музейн өмчлөлийг ССАЖЯ-нд шилжүүлэхээр болжээ.