Тулгар төрийн 2222 жил, Их Монгол улс байгуулагдсаны 807 жил, Ардын хувьсгалын 92 жилийн ой, Үндсэний их баяр наадмыг тохиолдуулан баяр наадмын хөтөлбөр, салбар хороодын мэдээлэл, худалдаа, үйлчилгээний газруудын байршил зэрэг бүх мэдээллийг багтаасан www.naadam.ulaanbaatar.mn цахим хуудсыг   Үндэсний их баяр наадмыг зохион байгуулах хорооноос нээжээ. Цахим хуудсаас дээрхи мэдээллүүдийг авахаас гадна “Төв цэнгэлдэх”, “Хүй долоон худаг”-т болж байгаа баяр наадмыг HD форматаар, онлайнаар үзэх боломжтой юм. Тиймээс дэлхийн аль ч өнцөг булангаас “Монгол наадам”-ыг дуу, дүрсний өндөр түвшинд шууд үзэхийг хүсвэл “Үндэсний их баяр наадам”-ын цахим хуудасруу www.ulaanbaatar.mn сайтын“Монгол наадам 2013” хэсгээр, эсвэл www.naadam.ulaanbaatar.mn гэсэн хаягаар ороорой гэж Нийслэлийн Хэвлэл мэдээлэл, олон нийттэй харилцах хэлтсээс мэдээллээ.