Эмэгтэй гишүүд энэ жилийн хаалтын уулзалтаа хийлээ. Энэ удаагийн парламентад эмэгтэйчүүд түүхэндээ байгаагүй олон суудал авсан  билээ. Олон өөр намын төлөөлөл болж сонгогдсон ч гэсэн эмэгтэйчүүд маань чуулганы хуралдаанд хоорондоо маргалдаж үг сөрөөд байдаггүй. Эв нэгдлийг эрхэмлэсэн тэд байсхийгээд бие биенийхээ өрөөг дамжиж “хуушуурдалт” зохион байгуулдаг. Харин тэд энэ удаа энэ жилийн хаалтын уулзалтаа хийж Д.Арвин гишүүний өрөөнд цуглажээ. Тэд өдрийн цай хамт уунгаа ажлынхаа асуудлаар яриа өрнүүлсэн байна.