УЛСЫН БҮРТГЭЛИЙН ЕРӨНХИЙ ГАЗАР ХӨГЖЛИЙН БЭРХШЭЭЛТЭЙ ИРГЭДЭД ЗОРИУЛСАН ҮЙЛЧИЛГЭЭНИЙ СТАНДАРТЫГ НЭВТРҮҮЛЭХЭЭР БЭЛТГЭЛ АЖЛЫГ ХАНГААД БАЙНА
Улсын бүртгэлийн ерөнхий газар “Байгууллагын үйлчилгээний стандарт”-даа нэмэлт өөрчлөлт оруулж, хөгжлийн бэрхшээлтэй иргэдийн үйлчлүүлэх эрхийг хангах, тэдний нийгмийн оролцоо, идэвхийг нэмэгдүүлэх зорилгоор төрийн байгууллагуудаас анх удаа хөгжлийн бэрхшээлтэй иргэдэд үйлчлэх үйлчилгээний стандартыг мөрдөж эхлэхээр бэлтгэл ажлыг хангаад байна. Энэхүү стандартад хөдөлгөөний, сонсголын, харааны зэрэг хөгжлийн бэрхшээлтэй иргэдэд зориулсан 18 заалт тусгагдсан байна. Үүнд хөгжлийн бэрхшээлтэй иргэдийн үйлчлүүлэх орчин нөхцөл, зам талбай, үйлчилгээний заал, өрөө тасалгааны тааз, гэрэлтүүлэг, тоног төхөөрөмжийн гадаргуу, иргэдэд үйлчлэх цонхны тэмдэг, тэмдэглэгээг зэргийг стандартын дагуу хийж, байршуулсан байх юм. Мөн харааны бэрхшээлтэй иргэдэд зориулж мэдээллийн самбар дахь мэдээллийг ARIAL MON 16 үсгийн фонтоор байхаар тусгасан бол сонсголын бэрхшээлтэй хүнд зориулсан чанга тод дуутай микрофон ашиглана гэж заасан. Түүнчлэн үйлчилгээний ажилтан үйлчлүүлэгчтэй харилцах харилцаанд тавих шаардлагыг ч тусгаж өгөөд байна.
Хөгжлийн бэрхшээлтэй иргэдэд зориулсан энэхүү үйлчилгээний стандартыг ирэх даваа гаригаас мөрдөж эхлэхтэй холбогдуулан үйлчилгээний 26 ажилтныг хөгжлийн бэрхшээлтэй иргэнтэй харьцах дохионы хэлний сургалтанд хамруулж байна.
Ийнхүү хөгжлийн бэрхшээлтэй иргэдэд зориулсан үйлчилгээний стандартыг нэвтрүүлснээр нэг талаас тэдний бие дааж, бусдын нэгэн адил төрийн үйлчилгээг хүртээмжтэй авах эхлэл тавигдах, нөгөө талаас улсын бүртгэлийн үйлчилгээг саадгүй авах нөхцөл боломж бүрдэж байгаагаараа чухал ач холбогдолтой.
Улсын бүртгэлийн ерөнхий газар “Байгууллагын үйлчилгээний стандарт”-даа нэмэлт өөрчлөлт оруулж, хөгжлийн бэрхшээлтэй иргэдийн үйлчлүүлэх эрхийг хангах, тэдний нийгмийн оролцоо, идэвхийг нэмэгдүүлэх зорилгоор төрийн байгууллагуудаас анх удаа хөгжлийн бэрхшээлтэй иргэдэд үйлчлэх үйлчилгээний стандартыг мөрдөж эхлэхээр бэлтгэл ажлыг хангаад байна. Энэхүү стандартад хөдөлгөөний, сонсголын, харааны зэрэг хөгжлийн бэрхшээлтэй иргэдэд зориулсан 18 заалт тусгагдсан байна. Үүнд хөгжлийн бэрхшээлтэй иргэдийн үйлчлүүлэх орчин нөхцөл, зам талбай, үйлчилгээний заал, өрөө тасалгааны тааз, гэрэлтүүлэг, тоног төхөөрөмжийн гадаргуу, иргэдэд үйлчлэх цонхны тэмдэг, тэмдэглэгээг зэргийг стандартын дагуу хийж, байршуулсан байх юм. Мөн харааны бэрхшээлтэй иргэдэд зориулж мэдээллийн самбар дахь мэдээллийг ARIAL MON 16 үсгийн фонтоор байхаар тусгасан бол сонсголын бэрхшээлтэй хүнд зориулсан чанга тод дуутай микрофон ашиглана гэж заасан. Түүнчлэн үйлчилгээний ажилтан үйлчлүүлэгчтэй харилцах харилцаанд тавих шаардлагыг ч тусгаж өгөөд байна.
Хөгжлийн бэрхшээлтэй иргэдэд зориулсан энэхүү үйлчилгээний стандартыг ирэх даваа гаригаас мөрдөж эхлэхтэй холбогдуулан үйлчилгээний 26 ажилтныг хөгжлийн бэрхшээлтэй иргэнтэй харьцах дохионы хэлний сургалтанд хамруулж байна.
Ийнхүү хөгжлийн бэрхшээлтэй иргэдэд зориулсан үйлчилгээний стандартыг нэвтрүүлснээр нэг талаас тэдний бие дааж, бусдын нэгэн адил төрийн үйлчилгээг хүртээмжтэй авах эхлэл тавигдах, нөгөө талаас улсын бүртгэлийн үйлчилгээг саадгүй авах нөхцөл боломж бүрдэж байгаагаараа чухал ач холбогдолтой.
