Азийн супер моделийн тэмцээн нь олон улсын загварын ертөнцийн нилээн томоохон арга хэмжээнд тооцогддог бөгөөд  Азийн орнуудаас тухайн улсуудаасаа тус бүр хамгийн  шилдэг  3 модель оролцож ур чадвараараа өрсөлддөг.

“Шилмэл Загвар Ордон”-оос жил бүр “Mongolian Beauty” тэмцээнийг зохион байгуулж шалгарсан шилдэг моделуудыг энэхүү нэр хүнд бүхий тэмцээнд бэлтгэн оролцуулдаг уламжлалтай. Энэ удаагийн тэмцээнд“Mongolian Beauty 2012” тэмцээний ялагч  Б.Дулмаа топ 10-т шалгарч Азийн топ модель өргөмжлөлийг хүртлээ.

Шилмэл загварын ордон нь Азийн Супер Моделийн тэмцээнийг зохион байгуулагчидтай  хамтран ажиллах гэрээг байгуулснаар  5 дахь удаагаа Монголоос загвар өмсөгчдийг бэлтгэн оролцуулж байна.
2009 Азийн Супер Моделийн тэмцээнд топ модель О.Уянга 2-р байр, Э.Сэлэнгэ топ 10т шалгарч ,2011 онд загвар өмсөгч  О.Ариунзул  2-р байрт шалгарч удаахи оны тэмцээнүүдээс  загвар өмсөгч Т.Батцэцэг, Т.Туяамаа, Ц.Алтантуяа,Б.Дулмаа нар  топ 10-т шалгарч Азийн топ  моделиор өргөмжлөгдсөн.

Наннинь хотноо 14 хоног үргэлжилсэн энэ удаагийн тэмцээнд Австрали, Вьетнам, ОХУ, Башкирстан, Монгол, Солонгос, Хятад, Тайвань, Шинэ Зеланд , Энэтхэг зэрэг орнуудын загвар өмсөгчид оролцож мэрэгжлийн ур чадвараараа өрсөлдөж , харилцан бие биенээсээ суралцаж , өөрсдийн орны соёл улмаар загварын хөгжлийг сурталчлах гэгээлэг арга хэмжээ болж өнгөрлөө.