Жил бүр уламжлал болгон зохиогдох “Монгол сүнчой” буюу монголчуудын номын өдрүүд Дээрхийн Гэгээнтэн XIV Далай багшийн маань хүсэлт, ажлын хуваариас шалтгаалан Энэтхэг Улсын нийслэл Дели хотод зохион явагдахаар боллоо. Уг номын айлдвар маань Дели хотын таван одтой Кемпински зочид буудлын их танхимд болно. 

2013 оны 12 дугаар сарын 02-04 өдрүүдэд Дээрхийн гэгээнтэн XIV Далай багш монголчуудад зориулан шарын шашныг үндэслэгч Богд Зонхова ламын таван ламрим хэмээн алдаршсан бодь мөрийн зэргийн хөтөлбөр номуудын хоёр нь болох:

-Лам зово намсүм (Мөрийн 3-н эрхэм)

-Ёндон ширжүрма (эрдэм бүгдийн суурь) 

Мөн Далай багш маань ханьцашгүй дээд Дандарын ёсны Жигжид Лха Жүсүм /Ямантака/-ийн ван авшигийг монгол шавь нартаа хайрлахаар боллоо. 

Ламын гэгээнтэний зүгээс багшийгаа урт насалж, шашин амьтны тусыг өнө удаан үйлдэхийн тухайтад зориулж Далай багшдаа нийт монголчуудаа төлөөлөн даншүг буюу бат-оршил өргөнө.

Монголчуудын энэхүү номын их хуримд нийт сүсэгтэн олныгоо өргөнөөр оролцохыг урьж байна.

Дашрамд нь сонордуулахад “Монгол сүнчой” зохион байгуулагчдын зүгээс сүсэгтэн олныгоо энэхүү номын айлдварт хүргэхээр Монгол Улсын үндэсний агаарын тээвэрлэгч МИАТ компаний Бойнг-767-300 онгоц Улаанбаатар-Дели-Улаанбаатар чиглэлд зогсолтгүй нислэг 2013 оны 12 дугаар сарын 01-нээс 05-ны хооронд үйлдэхээр боллоо. Шууд нислэгийн тийз борлуулах болон холбогдох бусад мэдээллийг Этүгэн зочид буудлын /вокзалын чанх хойно/ 1 давхарт байрлах бүртгэлийн байрнаас ирж авна уу. 

Холбоо барих:

Утас: 88143826, 96000181, 99186580, 99097640

Дэлгэрэнгүй мэдээллийг www.dalailamamongolsunchoi.mn сайтаас авна уу!