"Thor: The Dark World" кино АНУ-ын хамгийн өндөр орлоготой шинэ кинонуудын жагсаалтыг хоёр долоо хоног дараалан тэргүүллээ. Гэхдээ романтик инээдмийн кино болох "The Best Man Holiday" жагсаалтын 2-рт хүч түрэн орж ирсэн байна. Монголын театруудаар гарч эхлээд байгаа Thor киноны 2-р анги өнгөрсөн амралтын өдрүүдээр 38.5 сая ам.доллар, харин "The Best Man Holiday" кино 30.6 сая ам.долларын орлого олжээ.

Эдгээр кинонуудын араас Майкл Дуглас, Роберт Де Ниро, Морган Фриман нарын тоглосон "Last Vegas" кино 8.9 сая ам.долларын орлоготойгоор бичигдсэн байна. Дашрамд дурдахад энэ баасан гарагт нээлтээ хийх байгаа Өлсгөлөн Тоглоом киноны шинэ анги энэ оны хамгийн өндөр орлоготой кинонуудын нэг болно гэж мэргэжилтнүүд таамаглаж байгаа ажээ.

РАЛЬДИЙ.А /shuum.mn/