Монгол Улсад суугаа Элчин сайдын яамдууд Монгол банк, Монголын хөрөнгийн бирж, Үнэт цаасны төлбөр тооцоо, төвлөрсөн хадгаламжийн төв болон Улсын бүртгэлийн ерөнхий газрын аюулгүй байдлыг хангах хуулиар хүлээсэн гэмт хэрэгтэй тэмцэх, нийгмийн хэв журам хамгаалах амаргүй боловч, цог хийморьтой, өндөр хариуцлагатай энэ албанд чин шударгаар зүтгэж байсан үе үеийн ахмадууд, өнөөдөр энэ үүргийг гүйцэтгэж байгаа албан хаагч нартаа болон та бүгдийн ажил хөдөлмөрт тань амжилт бүтээлийн дээд, амьдралд тань аз жаргал сайн сайхныг хүсэн ерөөе.

Дипломат байгууллага, банкны хамгаалалтын хэлтсийн дарга,

Цагдаагийн хошууч Х.УУГАНБАЯР

Бид Дипломат хамгаалалтынхан

Эх орныхоо нэрийн өмнөөс

Эрсдэл үүргийг бид хүлээдэг

Элчин яамдын бүрэн амгаланг

Энэ цагт бид хамгаалдаг юм

Бид дипломат хамгаалалтынхан

Бид төрийн алтан сангийн харуул

Бүрэн эрхт тусгаар орныхоо

Төрийн   мэлмий нь бид байдаг юм

Буурал түүхтэй дипломат гүрнийхээ

Төрийн сонор нь бид байдаг юм

Бид эзэн Чингисийн алтан ураг

Бид эрхт төрийн халдашгүй цайз

Төмөр нударгатай өндөр төрийнхөө

Догшин хар сүлдэндээ залбирч

Тэнгэрлэг хийморьтой их үндэстнийхээ

Дайчин алдрыг өргөж явдаг бид

Бид төрт ёсны эвийн баталгаа

Бид тангаргаа сахисан ганхашгүй багана

Буруу бүхнийг сөрөн дайрахдаа

Тэнгэрийн аянга шиг догшин байдаг бид

Босоо заларсан алтан соёмбондоо

Тангаргаа өргөсөн торгон харуулаа бид

Бид унтарч бөхөшгүй аранзал дөл

Бид ухарч няцашгүй ган илд

Б.Баасанхүү