22-нд баруун зүгийн нутгийн хойд хэсгээр, 23-нд баруун зүгийн нутаг, төвийн нутгийн баруун хэсгээр, 24-нд ихэнх нутгаар, 25-нд нутгийн зүүн хагаст цас орж, цасан шуурга шуурна.

Салхи 23-нд баруун болон төвийн нутгаар, 24-нд зарим газраар, 25-нд говь талын нутгаар секундэд 12-14 метр хүрч ширүүснэ.

Хугацааны эхээр Их нууруудын болон Дархадын хотгор, Хүрэн бэлчир, Идэр, Тэс, Ерөө голын сав газраар шөнөдөө 26-31 градус, өдөртөө 17-22 градус, говийн бүс нутгийн өмнөд хэсгээр шөнөдөө 12-17 градус, өдөртөө 1-6 градус, бусад нутгаар шөнөдөө 19-24 градус,өдөртөө 7-12 градус хүйтэн байна.

24-нөөс хүйтний эрч чангарна гэж Ус цаг уур, орчны шинжилгээний газраас мэдээллээ.