10:00 цагаас Татварын тайлагналт, татвар төлөх үйл явцыг түргэн шуурхай, хялбар, бага зардалтай болгох Цахим тайлангийн шинэ системийг энэ оны 1 дүгээр сарын нэгнээс хэрэгжүүлж эхэлсэнтэй холбогдуулан ''Татварыг цахимаар төлөх шийдэл'' сэдэвт хэлэлцүүлэг Татварын ерөнхий газарт болно.

11:00 цагаас Хилийн боомтын тухай хууль батлагдсантай холбогдуулан ХХЕГ-ын  Хилийн шалган нэвтрүүлэх албаны зарим чиг үүрэг  ГИХАЭГ-т шилжин, тус газар Иргэний харьяалал, шилжилт хөдөлгөөний ерөнхий газар болж буйтай холбогдуулан байгууллагад хийгдэж буй эрх зүй, техник технологийн шинэчлэлийн талаар мэдээлэл хийнэ. Автобус 10:00  цагт УДЭТ-ын үүднээс явна.

11:00 цагаас ухаалаг шуудангийн хайрцаг суурилуулах ажлын нээлт болно. Ерөнхий сайд болон МТШХХГ, шуудангийн компанийнхан оролцоно. Хаяг: 32-ын тойргоос дээш Таван буудал, МТ ШТС-ын чанх хойно Далайхүү худалдааны төвд болно.

11:00 цагаас  АН-аас сар бүрийн эхний долоо хоногийн пүрэв гарагийн сэтгүүлчидтэй уулздаг 4-11 уулзалт  Төрийн ордны А танхимд болно. Уулзалтад АН-ын Ерөнхий нарийн бичгийн дарга Ц.Оюундарь Эдийн засгийн хөгжлийн сайд Н.Батбаяр оролцож, бүтээн байгуулалтын талаар мэдээлэл өгнө. Утас: 88028646

12:00 цагаас Аваргуудын лигийн Галатасарай-Чэлси багуудын тоглолт үзэх аялалын тухай хэвлэлийн бага хурал болно. Одоогоор 20 гаруй спорт дагнан бичдэг сэтгүүлч сурвалжлагчид оролцохоор мэдэгдээд байна. Спорт, аялал жуулчлал сонирхдог сэтгүүлчид хүрэлцэн ирэхыг урьж байна.

13.00 цагаас Үндэсний мэдээллийн төвд  сагсан бөмбөгийн хоёр холбоог нэгтгэх талаар мэдээлэл хийнэ.

13.40 цагаас Үндэсний мэдээллийн төвд Зая гэгээний номын айлдварыг Гүшиг дацан хийдээс зохион байгуулж байгаа тухай хэвлэлийн хурал хийнэ.