11:00 цагаас ХААИС-ийн Эрдмийн зөвлөлийн танхимд “Мах, сүү үйлдвэрлэлийг нэмэгдүүлэх чиглэлээр их сургууль, үйлдвэрлэлийн хамтын ажиллагааг хөгжүүлэх нь” сэдэвт семинар болно. Семинарт Монголын мах, сүү үйлдвэрлэгчдийн төлөөлөл оролцох бөгөөд тэд тулгамдаж байгаа бэрхшээлээ шийдвэрлэхэд цаашид хэрхэн хамтран ажиллаж болох талаар хэлэлцэж, санамж бичигт гарын үсэг зурах юм. Утас 99062806

11:10 цагаас "Зууны мэдээ" сонины Үндэсний мэдээллийн төвд Гэмтэл согог судлалын үндэсний төвийн 34 эмч, ажилтныг хууль бусаар ажлаас нь халсан тухай хэвлэлийн бага хурал хийнэ.

12:00 цагаас  МАХН-ын удирдлагууд оролцох бөгөөд намын дарга Н.Энхбаяртай холбоотой болон бусад  асуудлаар МАХН-аас хэвлэлийн хурал хийнэ . Утас: 334477

12:30 цагаас "Зууны мэдээ" сонины Үндэсний мэдээллийн төвд Монголын залуучуудын холбооноос бүтээн байгуулалтад оролцож байгаа залуусын спортын өдөрлөг болох талаар мэдээлэл хийнэ.

12:30 цагаас  МУИС болон Улаанбаатар сургуулийн хоорондох асуудлаар хэвлэлийн бага хурал Монгол Ньюс мэдээллийн төвд  болно. Утас: 8806-9910

14:00 цагаас нийслэлийн удирдлагын зөвлөлийн ээлжит хуралдаан Хангарьд ордны 14 давхарт болно. Хуралдаанаар хоёрдугаар сарын 10-ны өдрийн нийслэлийн Удирдах ажилтнуудын шуурхай зөвлөлгөөнөөр зарим дүүргийн Засаг дарга нараас сургууль, цэцэрлэгийн талаар тавьсан асуудлыг хэлэлцэнэ. Мөн золбин нохой, муурны устгалын асуудлыг шийдвэрлэх, 2013 оны зам тээврийн осол, гэмтэл болон замын хөдөлгөөний нөхцөл байдлын талаарх танилцуулга зэрэг асуудлуудыг хэлэлцэнэ. 91040607, 88057197

15:00 цагаас Эх хүүхдийн эрүүл мэндийн тусламж үйлчилгээний чанар, хүртээмжийг сайжруулах, өвчлөл, эндэгдлийг бууруулахад хамтын оролцоог хангах зорилгоор "Эх, хүүхдийн эрүүл мэндийг дэмжих жил"-ийн нээлтийн үйл ажиллагаа болно. ХУД ЗДТГ  Соёлын ордонд болно.344477,99064465