Энэ жилийн хаврын бүсийн хурдан морьдын “Дүнжингарав 2014” уралдаан дөрөвдүгээр сарын 13-нд Цагаан хөтөлд болно. Тус уралдаанд уламжлал ёсоор азарга, их нас, соёолон, эрлийз дээд насны морьд тоосоо өргөн шандас сорин уралдана. Үүнтэй холбогдуулан “Хангарьд 2014” уралдаанд эрлийз адуу оруулахгүй гэсэн шийдвэрийг ММСУХ-ноос гаргасан байна.
Мөн "Дүнжингарав 2014" уралдааны маргааш нь буюу дөрөвдүгээр сарын 14-ний өдөр Цагаан хөтөлд Нийслэлийн тэргүүн магнай хүлэг шалгаруулах "Хангарьд 2014" уралдаан болно. ММСУХ-ны харьяа НМСУХ-ноос зохион байгуулж байгаа энэ уралдаанд хязаалан, шүдлэн, даага, эрлийз даага гэсэн дөрвөн насны хурдан хүлгүүд уралдах аж.