Өнгөрсөн жил Оросоос орогнол хүссэн, АНУ-ын Үндэсний аюулгүй байдлын агентлагийн ажилтан асан Эдвард Сноуден дахин
 нэг жил түр хугацааны орогнол олгохыг хүсэн Оросын Холбооны цагаачлалын албаны Москвагийн хэлтэст ханджээ. Известия сонины мэдээлснээр Вашингтон Сноудены Америкийн иргэний паспортыг хүчингүй болгосон тул ийнхүү орогнол хүсэхээс аргагүй болсон байна.

“Сноуден орогнол хүссэн өргөдлөө зургаадугаар сарын 30-ны дотор өгөх ёстой. Өнгөрсөн жил олгосон зөвшөөрөл нь долоодугаар сарын 31- ний өдөр дуусч байгаа юм. Тиймээс тэр Орост үлдэхийг хүсвэл энэ тухайгаа баримт бичигт заасан хугацаа дуусахаас сарын өмнө мэдэгдэх ёстой” хэмээн ОХУ-ын Цагаачлалын албанаас тодруулга өгсөн байна..