Сүхбаатар дүүргийн Засаг даргын Тамгын газар, Нийгмийн хөгжлийн хэлтсээс “Уран жиргээ-2015” уран уншлагын наадмыг амжилттай зохион байгууллаа.
Дэлхийн болон Монголын хүүхдийн шилдэг зохиол бүтээлийг хүүхэд багачуудад таниулан сурталчлах, тэдний дунд уран уншлагын урлагийг хөгжүүлэх зорилготой тус наадмын ерөнхий шүүгчээр СУИС-ын ТУС-ийн багш, МУСТА Тайз дэлгэцийн урлагийн тэнхимийн эрхлэгч, МУСТА Б.Даваа, шүүгчээр СУИС-ын ТУС-ийн Тайз дэлгэцийн урлагийн тэнхимийн багш, МУСТА Ж.Болор-Эрдэнэ, СУИС-ын ТУС-ийн Тайз дэлгэцийн урлагийн тэнхимийн багш, МУСТА Г.Энхсайхан нар ажиллав.
28 дахь жилдээ зохион байгуулж буй тус наадамд нийт 145 хүүхэд оролцсоноос цэцэрлэгийн насны ангиллын нэгдүгээр байранд 25-р цэцэрлэгийн М.Дөл-Эрдэнэ, хоёрдугаар байранд нэгдүгээр цэцэрлэгийн Б.Чингүнжав, гуравдугаар байранд 160-р цэцэрлэгийн Т.Шандасбаяр, тусгай байранд 186-р цэцэрлэгийн Ц.Ариунзаяа нар өргөмжлөл, мөнгөн шагнал, Нийслэлийн уралдаанд оролцох эрхийн бичгээр шагнууллаа.
Сургуулийн бага насны ангиллын тэргүүн байранд VI сургуулийн сурагч Б.Тэнүүн, хоёрдугаар байранд 45-р сургуулийн сурагч Э.Эгшиглэн, гутгаар байранд Үй-Цай сургуулийн сурагч Э.Адиша, тусгай байранд 58-р сургуулийн сурагч Л.Өлзийсолонго нар шалгарч өргөмжлөл, мөнгөн шагнал, Нийслэлийн уралдаанд оролцох эрхийн бичгээр шагнуулсан юм.
Харин 6-9 анги буюу сургуулийн дунд насны ангиллын тэргүүн байранд III сургуулийн сурагч А.Булгантамир, хоёрдугаар байранд XI сургуулийн сурагч А.Саранжил, гуравдугаар байранд 71-р сургуулийн сурагч Ж.Лхам, тусгай байранд Сант сургуулийн сурагч Н.Чинбилэг нар тодорч өргөмжлөл, мөнгөн шагнал, Нийслэлийн уралдаанд оролцох эрхийн бичгээр шагнуулав.
Сургуулийн ахлах насны ангилалд нэгдүгээр байранд XXXV сургуулийн сурагч Х.Сугар, хоёрдугаар байранд VI сургуулийн сурагч Б.Мөнхтуяа, гуравдугаар байранд Сод-Эрдэм сургуулийн сурагч Б.Энхтуул, тусгай байранд 58-р сургуулийн сурагч О.Хандмаа нар тус тус шалгарч өргөмжлөл, мөнгөн шагнал, Нийслэлийн уралдаанд оролцох эрхийн бичгээр шагнууллаа.
Нийслэлийн “Уран жиргээ-2015” наадам 2015 оны хоёрдугаар сарын 12-ны өдөр Монголын хүүхдийн ордонд болно.
