Сургуулийн өмнөх насны охидын сонирхдог, нэр хүнд бүхий тэмцээн бол “Бяцхан мисс”. “Бяцхан мисс” Олон улсын хүүхдийн байгууллага нь 14 дэхь жилдээ уг тэмцээнийг амжилттай зохион байгуулж байна.

Тус байгууллагын үйл ажиллагаа үүгээр хязгаарлагдахгүй. “Бяцхан зүрхний баяр хөөр” хүмүүнлэгийн төслийг жил бүр нийгмийн бүх давхаргын хүүхдүүдэд хүртээмжтэйгээр хэрэгжүүлж ирсэн юм. Авьяаслаг охидын хамтлаг байгуулах, кино, жүжгэнд тоглуулах зэрэг энтертаймент үйл ажиллаагаа явуулдаг. “Бяцхан удирдагч” сэтгүүлийн редакци нь хүүхэд багачуудын унших дуртай, зорилтот бүлэгтээ хамгийн сайн хүрдэг хэвлэл мэдээллийн хэрэгсэлд зүй ёсоор тооцогддог болтлоо долоон жил гаруйн хугацааг туулжээ. 

“Бяцхан мисс” Олон улсын хүүхдийн байгууллага тэмцээнийхээ дууг жил бүр шинэчилж, чадварлаг уран бүтээлчидтэй хамтран ажилладаг. Өнгөрсөн жил хөгжмийн зохиолч, Гавьяат жүжигчин Ц.Балхжав аяыг, яруу найрагч, СГЗ Ү.Хүрэлбаатар үгийг зохиосон “Аз жаргалын дуу” тэмцээний хит дуу байсан. 2016 оны сүлд дуу “Бяцхан зүрх минь” сүлд дуу бол Ү.Хүрэлбаатар, СГЗ, хөгжмийн зохиолч Б.Бямбабаяр нарын хамтын бүтээл юм.