Сонгуулийн сурталчилгаа албан ёсоор эхэлсэнтэй зэрэгцэн намуудын мөрийн хөтөлбөр олон нийтэд ил боллоо. Сонгуульд оролцогч намуудаас Ардчилсан нам, Монгол ардын намын мөрийн хөтөлбөр иргэдийн анхаарлыг хамгийн их татаж байна. Шулуухан хэлэхэд, дээрх хоёр намын аль нь илүү биелэгдэх боломжтой, амьдралд ойр, өргөн цар хүрээг хамарсан, иргэн бүрт хүрч чадах мөрийн хөтөлбөрийг боловсруулсан тэр нь иргэдийн итгэлийг хүлээнэ.  Эрх баригч Ардчилсан нам 2012 оны сонгуулийн“Монгол хүн 2020” мөрийн хөтөлбөрөө энэ жил дэлгэрүүлжилүүболовсронгуй болгосон байна. Харин Монгол Ардын нам улс орны өнөөгийн чиг хандлага, нөхцөл байдалд тохируулан шинэ мөрийн хөтөлбөрийг боловсруулжээ. Ингээд тус хоёр намын мөрийн хөтөлбөрийн ялгагдах онцлогтой танилцъя.

Ардчилсан намын мөрийн хөтөлбөрт аймаг бүрт Хүүхэд, залуус гэр бүлийн хөгжлийн ордон, Ахмад настанд зориулсан бүсчилсэнсэргээн засах, эмчилгээ үйлчилгээний цогцолбор, Аймаг, дүүрэг бүрт Ахмадын ордон,Монгол Улсын иргэн бүрт эрүүл мэндийн даатгалын цахим үнэмлэх зэрэг ажлыг хийнэ хэмээн тусгажээ. Гэхдээ эдийн засаг элгээрээ мөлхсөн энэ үед хөрөнгө, зардал шаардсан дээрх ажлыг биелүүлэх боломжгүй гэж судлаачид үзэж байгаа юм байна. Монгол Ардын нам ЕБС-ийн хичээлийн хөтөлбөрт эрүүл мэндийн хичээл оруулна гэж тусгасан байна. Мөн эрүүл мэндийн урьдчилан сэргийлэх  үзлэгт бүх иргэдээ жилд 1 удаа бүрэн хамруулна гэсэн нь иргэдийн эрүүл мэндэд анхаарсан өвчлөлөөс урьдчилан сэргийлсэн бодлого болжээ. Сүүлийн үед өвчлөл залуужиж өвчлөлтийн цар хүрээ, тоо хэмжээ ч нэмэгдэж байна. Энэ үед иргэдийн эрүүл, мэнд рүү хандсан ажлыг хийхээр мөрийн хөтөлбөртөө тусгасан нь Монгол Ардын намын мөрийн хөтөлбөрийн давуу тал болжээ.

Мөн МАН-ын мөрийн хөтөлбөрт эмч эмнэлгийн мэргэжилтнүүдийн ур чадвар, нарийн мэргэжил, ажилласан жил, байгуулсан гавъяа зүтгэлээс хамаарсан цалин хөлс, урамшууллын тогтолцоог бий болгоно гэсэн заалт тусгасан байна.  Харин АН-ын мөрийн хөтөлбөрт  эмч эмнэлгийн мэрэжилтнүүдийн цалинг урьдчилсан сэргийлэлт, эдгэрэлт, хяналтын үр дүнгээр тооцож олгоно гэж нэлээдгүй хариуцлага тооцох маягийн  эрс тэс ялгаатай заалт тусгасан байна. АН-ын заалтыг харахад Эрүүгийн хуульд орсон 80 сая хүртэл торгох, 8 жил хүртэл хорих заалтыг хэрэгжүүлэх хандлага  харагдаж байна. МАН-ын мөрийн хөтөлбөртнийтийн биеийн тамир, иог, бясалгал, фитнес зохистой хөдөлгөөнийг  ЭМД-аас урамшуулна гэсэн бол АН зөвхөн дэмжинэ л гэсэн заалт оруулжээ. Мөн МАН-ын мөрийн хөтөлбөрт  багийн болон оюуны  спортыг онцлон хөгжүүлэхийг тусгасан бол АН-д тодорхой тусгасан чиглэл заалт байхгүй байна.

Үүнээс үзвэл Ардчилсан нам иргэдээ ажилтай орлоготой болгоход гол анхаарлаа хандуулан мөрийн хөтөлбөрөө боловсруулжээ. Гэхдээ тооцоо, судалгаагүй биелэхэд саадтай заалтуудыг оруулж өгсөн байна. Харин Монгол Ардын нам иргэдийнхээ эрүүл, мэнд рүү чиглэсэн ажлуудыг хийхэд  гол анхаарлаа хандуулсан байна.

Та бүхэн дээрх хоёр намын мөрийн хөтөлбөрийг энд дарж үзэн өөрсдийн дүгнэлтээ хийнэ үү .

Э.Туул