УИХ-ын ээлжит сонгуульд МАН ялалт байгуулж ард түмнийхээ өмнө хариуцлага хүлээх,  эдийн засгаа өсгөх томоохон үүргүүдийг хүлээлгэсэн.  Харамсалтай нь МАН-ын зарим нэг гишүүд улс төрийн хариуцлага гэхээсээ илүүтэйгээр албан тушаалд шунах нь илт боллоо. Хэл амтайхан засгийн асуудал намдаж амжаагүй шахам байхад  дөрвөн сайдыг солих тухай бор шувуу нисэж, дээрээс нь УИХ-ын дэд дарга Ц.Нямдорж  суудлаа голж “ том” дарга болох гэж байгаа гэх шуум  дэгдэж эхэллээ. УИХ-ын хатуухан үгтнүүдийн нэг Ц.Нямдоржоос  уг нь иргэд үнэн үг хүлээдэг .

Гэтэл сүүлийн үед анхаарал татаж, хэт олон дайралт хийх болсон түүний амнаас үнэн үг гэхээсээ илүүтэйгээр “ Популизм” хийж буй хандлагууд илүү ихээр харагдах боллоо.  Өнгөрсөн долоо хоногт  тэрээр хурал удирдаж байхдаа шоу хийж  “дарга хүн ийм байдаг юм” гэх маягтай авирласан нь  Ц.Нямдоржид итгэл хүлээлгэгсдэд таалагдсангүй. УИХ-ын чуулганы танхимд болж өнгөрсөн үйл явдал Ц.Нямдоржийн холын санаа, ойрын зорилго хоёр хаана тулж унах вэ гэдгийг гэрчлэн өгөх нь тэр. Энэ зууртаа намынхаа  удирдлагууд руу ноцох, шүүмжлэх байр сууриа ч хадгалсаар яваа гэх.  Гэхдээ учир мэдэх улстөрч хийгээд намынх нь нөхөд “М.Энхболд Ц.Нямдоржийг УИХ-ын дэд дарга болгосныхоо горыг амсаж байна” гэдэг  яриа саарал ордноос аль хэдийнэ халиад байгаа. Төдийгөөс өдий хүртэл зөвхөн өөрийн үг, үйлдэлдээ итгүүлэхийг чармайж, алдаа бүхнээ нууж ирсэн түүний эрх мэдлийн төлөөх  санаархал нь өнгөрсөн долоо хоногт илрэх нь тэр. Ц.Нямдорж дарга сандал суудлын шүүмж хийж, өөрөө өндөрт гарах гэж санаархахаасаа илүүтэйгээр ард түмнийхээ төлөө санаа зовбол зүгээрсэн. УИХ-ын амьд түүх болсон түүний улс төрийн болоод хувь хүний замнал тийм ч дардан байгаагүй юм билээ.

Наад захын ганцхан жишээ хэлэхэд л цагтаа мандаж явсан Ж.Баатар генерал Ц.Нямдоржийг шударга мэт үг, үйлдлийн ард хэн хүний итгэхээс ч аймшигтай үнэн түүхүүд нуугдаж байдаг гэж хэлсэн нь бий.  Тэр түүхийг генерал Ж.Баатар дэлгэсэн байдаг бөгөөд тэрбээр уг үйл хэргийнхээ золиос болон шоронд ял эдэлсэн удаатай. Ц.Нямдорж Бээжин хотод очиж, Хятадын тагнуулынхантай наргиж цэнгэн буй зургийнх нь утга учрыг шалгах ёстой гэдэг асуудал тавьсныхаа төлөө  буруудсан. 1990 оны эхэнд болсон эл үйл явдлын тухай харамсалтай нь, өнөөдрийг хүртэл хэн ч сөхдөггүй.

Ж.Баатар генерал шоронд ял эдэлж гарч ирснийхээ дараахан нэгэн ярилцлага өгөхдөө “Ц.Нямдорж ялна, яллана. Харин түүхийн шүүхийн пянг даах болов уу? Урьд өмнө хүнийг хэлмэгдүүлж явсан зүйлс бүгд тодорхой хугацааны дараа илчлэгдэж байна. 30 хэдэн оны нугалаа завхралын үед гэхэд Монголын ард түмэн юу ч ярьж чаддаггүй, айдаг. Тэр үед хүмүүс яллаж шийтгэсэн нь зөв гэсэн ойлголттой байсан. Гэтэл өнөөдөр ямар хүмүүсээ шоронд хийж, буудаж байсан нь тодорхой болсон шүү дээ. Тэрэн шиг хэсэг хугацааны дараа Ц.Нямдорж үнэнд гүйцэгдэнэ. Хэзээ нэгэн цагт үнэн илэрнэ, илчлэгдэнэ. Түүх шүүнэ, үнэн юм үнэнээрээ тогтоогдоно. Тэртээ тэргүй Баатарын хэрэг гэгч нь архивт байгаа. Тэрийг хүмүүс үзэхээр Баатар юу гэж хэлж байв, хариулж байв гэхээр бүх зүйл харагдана” хэмээн хэлжээ.

Харамсалтай нь, энэ асуудал өнөөдрийг хүртэл Ж.Баатар генералын баримт, Ц.Нямдоржийн тайлбар хоёр дунд хашигдсаар яваагэж хэлсэн байдаг.

Өөрийгөө магтуулах  дуртай Ц.Нямдорж даргын талаарх зарим нэгэн бараан түүхтэй баримтууд үүгээр ч дуусдаггүй юм билээ.

Ц.Нямдорж гишүүн ээ та   бүшгүй мөрөөдөж  шоу хийхийнхээ оронд ард түмэн, эх орныхоо төлөө   санаа тавьбал яасан юм бэ?

Ц. Ялгуун