Universe best songs-оос төрсөн хамтлагуудын нэг бол Мотив. Дориун уран бүтээлтэй, чадалтай хоолойтой, өөрсдийн гэсэн донжтой тус хамтлагийн залуус цаашид ч “час хийнэ” гэдгээ хэдхэн хоногийн өмнө “Цасан бороо” хоёр дахь бие даасан тоглолтоороо харуулж чадсан. Тиймээс ч энэ шинэ жилээр өндөр үнээр дуулах  хамтлаг дуучдын жагсаалтанд багтаж чадаж байна. Тус хамтлагийн ахлагч Жижигээ гэх жижиг биетэй, “Жижиг” нэртэй ахлагч мяндагтай нэгэн бусдаасаа илүүрхээд байх авьяас чадалгүй ч амбицаараа хамгийн том нь гэгддэг. Тиймээс ч элдэв шалдав тоглолт арга хэмжээнд ашиг хонжоо багатай бол очдоггүй, хамтлагийн залуусаа илгээчихдэг гэнэ. Харин бусад гишүүд нь хэзээний сурцтайгаар багийнхаа алаачийг “маш чухал ажил гарсан, түүнээс биш ирэх л байсан” гэх жижүүрийн хариулт өгдөг болоод хэвшчихэж.  Тэд багийн ахлагчгүйгээр уригдсан арга хэмжээгээ өргөөд, сэргээгээд гардаг учраас тэр бүр Жижигээ гэдэг уран бүтээлч нь үгүйлэгддэггүйг урьсан нэгэн нь гэрчлэх юм билээ. Ямар ч байсан Мотив хамтлагийн залуусыг урих гэж байгаа газрууд бүрэн бүрэлдэхүүнээрээ ирэх эсэхийг нягталж байж, үнэ ханшаа тохирдог болсон гэсэн. 
Э.Болор www.shuum.mn