Нийслэлд коронавирусийн анхны тохиолдол бүртгэгдсэнтэй холбогдуулан хөл хорио тогтоох үеэр УИХ-ын гишүүн О.Цогтгэрэлийн “ТЭСО” группээс КОВИД-19 халдварын голомт илэрч байсан удаатай. Тэгвэл өнөөдрийн байдлаар ТЭСО группийн ажилчдын дунд КОВИД-19 халдвар эрчтэй тархаж тус групп хэдийн томоохон халдварын голомт болжээ. Тодруулбал, тавдугаар сарын 1-10-ны хооронд “ТЭСО”-гийн ажилчдаас 14 хүн халдвар авсан нь батлагдсан бол охин компаниудын хэмжээнд халдвар тархаж 38 тохиолдол бүртгэгдсэн байна.
Компани нь халдварын том голомт болчихсон байхад эзэн нь буюу УИХ-ын гишүүн О.Цогтгэрэл ажилчдаа улс төрийн тэмцэлдээ ашиглан Сүхбаатарын талбайд олноор цуглуулснаар коронавирусийн тархалтыг нэмэгдүүлэх аюултай нөхцөлийг бүрдүүлсэн.
О.Цогтгэрэл гишүүн цар тахлын энэ хүнд үед нийслэлчүүдийнхээ амь нас, эрүүл мэндэд эрсдэл учруулж байхын оронд халдвараар өвдсөн ажилчдынхаа төлөө санаа тавьж, эрүүл байгаа ажилчдаа хамгаалах ажлыг хийсэн бол сайн удирдагч хэмээн үнэлэгдэх байсан биз ээ.
