Монгол, Хятадын сэтгүүлчдийн хамтарсан цахим сурвалжилгын баг өнөөдөр /2021.06.24/ Өвөр монголын Ордос хотын Хангин Хойд хошууны Сань Дао Чяо суурингийн Жүн Чэн сүүний үнээ тэжээн үржүүлэх тусгай хоршоо хүрч үйл ажиллагаатай нь танилцлаа.

Тус хоршоо нийт арван мянган саалийн үнээтэй, одоогоор зэргэлдээ 230 малчин өрх тус хоршоод хувь нэмэр оруулах хэлбэрээр хамрагдаж байгаа бөгөөд өрх бүрд  25 үнээ оногддог. Өдөрт 680 үнээг гурван удаа сааж нийт 29 тонн сүү авдаг энэ нь үнээ бүрээс дунджаар 35л сүү гарч байна гэсэн үг юм.

Саасан сүүгээ шинэ дээр нь И-Ли сүүний компанид хүргэж бүтээгдэхүүн болгодог байна.