Энэ сарын 5-ны өдөр нийслэлийн хэмжээнд I тунд 2187, II тунд 856, нийт 3043 иргэнийг дархлаажуулсан байна. Вакцинжуулалт эхэлснээс хойш нийслэлийн 18-аас дээш насны 1088671 иргэн I тунд, 990762 иргэн II тунд хамрагдаад байгаа аж. Мөн нийт 2091 жирэмсэн эх, 12-15 насны 32.140, 16-17 насны 16697 хүүхэд тус тус II тунд хамрагджээ.
Харин өнөөдөр /2021.08.06/ Улаанбаатар хотод суурин 19 цэгт 30 багийн 147 эмч, ажилтан ажиллаж, 7855 иргэнийг дархлаажуулахаар төлөвлөжээ. Та бүхэнд өнөөдөр ажиллах дархлаажуулалтын болон шинжилгээний цэгүүдийг дүүрэг тус бүрээр танилцуулж байна.
