logo
"Сайжруулсан түлшний нөөцөд эргэлзэх хэрэггүй"

"Сайжруулсан түлшний нөөцөд эргэлзэх хэрэггүй"

2021/10/07

Тавантолгой түлш ХХК-иас мэдэгдэл гаргажээ. Тэрбээр: “Тавантолгой түлш ХХК сайжруулсан шахмал түлшний нөөцгүйгээс үүдэлтэйгээр түлшний түгээлт, нийлүүлэлт муу байна” гэх мэдээлэл сүүлийн өдрүүдэд цахим орчинд гарах болсон. Энэ нь эрс ташаа мэдээлэл болохыг Тавантолгой түлш ХХК-иас албан ёсоор няцааж байна.

Манай компанийн хувьд наймдугаар сарын 2-оос эхлэн үйлдвэрлэлийн үйл ажиллагааг эхлүүлж өвөлжилтийн бэлтгэл ажлын хүрээнд аюулгүйн нөөцийг бэлтгэж эхэлсэн. Өнөөдрийн байдлаар нийслэлийн хэмжээнд 97 байршилд нийт 71,4 мянган тонн сайжруулсан шахмал түлш нөөцлөөд байна. Энэ нь нэг сарын хэрэгцээнд хүрэлцэхүйц түлш юм. Үйлдвэрлэлийн гол түүхий эд болох барьцалдуулагч бүтээгдэхүүн нэг сарын нөөцтэй байгаа тул шахмал түлшний хомсдолд орно гэдэг нь ташаа мэдээлэл юм.

Шахмал түлшний нөөц бүрдүүлэхдээ Нийслэлийн агаарын бохирдолтой тэмцэх газартай хамтран шаардлага хангасан агуулахыг сонгож хадгалдаг бөгөөд галлагааны оргил үед нэмэлтээр худалдаанд гаргах зориулалттай. Гэр хорооллын бүсэд гэрээт борлуулалтын 414 цэг ажиллаж байгаа бол үүнийг хэрэгцээ шаардлага, цаг агаарын нөхцөл байдалтай уялдуулан дахин нэмэгдүүлнэ гэжээ.

Сэтгэгдэлүүд

Дээш