logo
Ц.Билэгсайхан: "Омикрон"-ыг эрсдэл багатай давахын тулд IV тунг эхлүүлж байна

Ц.Билэгсайхан: "Омикрон"-ыг эрсдэл багатай давахын тулд IV тунг эхлүүлж байна

2022/01/12
ХӨСҮТ-ийн Ерөнхий захирал Ц.Билэгсайхан "Эрдэмтдийн зөвлөл, ХӨСҮТ хамтран судалгаа хийсээр байна. Вакцины дархлаа тогтоцын судалгаа гарсан. Хоёр тун "Астразенека" хийлгэсэн хүмүүст 4-5 сарын дараа эсрэг биеийн титр 30 болж буурсан байсан бол "Пфайзер"-аар бүүстер тун хийхэд 570 болж нэмэгдсэн. Бүүстер тунгаас 4 сарын дараа 70 гаруй болж буурсан байна.

Харин хоёр тун "Вероцелл" хийлгэсэн хүмүүсийн цусан дахь эсрэг биеийн титр 5 сарын дараа 30 болж буурсан бол "Пфайзер"-аар бүүстер тун хийхэд 340 болж нэмэгдсэн. Харин бүүстер тунгаас хойш 4-5 сарын дараа 110 болж буурсан байна. Энэ нь вакцин тодорхой хугацааны дараа үйлчлэл буурч байгааг харуулж байгаа тул бид олон улсын жишгээр "Омикрон"-ыг эрсдэл багатай давахын тулд IV тунг эхлүүлж байна" гэлээ.  
 
Эх сурвалж: УОК-ын Шуурхай штаб
Монгол Улсын Ерөнхийлөгчийн 2021 оны сонгуулийн санал хураалт дуусах хүртэл сайтын сэтгэгдэл бичих талбарыг түр хаасан тул хүлцэл өчье. SUUM.MN сайтын редакц
Дээш