Монгол Улсын Засгийн газрын 2008 оны тогтоолоор батлагдсан “Шилдэг уран бүтээлч шалгаруулах журам” - ын хүрээнд жил бүр зохион байгуулагддаг “Мөнгөн мод” арга хэмжээ энэ жил 13 дахь удаагаа зохион байгуулагдах гэж байна. “Мөнгөн мод” арга хэмжээний хүрээнд тайз, дэлгэцийн шилдэг 12 бүтээлч, 12 уран бүтээл шалгарна.

Соёлын яамны чиг үүрэг шинэчлэгдсэнтэй холбогдуулан "Мөнгөн мод" арга хэмжээгээр соёлын бүтээлч үйлдвэрлэлийн 12 салбарын хүрээнд нийт 24 төрөлд шилдгүүд шалгарах юм. "Мөнгөн мод" 13 дахь удаагийн ёслолын үйл ажиллагаа энэ сарын 23-ны өдөр Дуурь, бүжгийн эрдмийн театрт болно.