Дархан хотын хүн амын хүнсний хэрэгцээнд зориулан “Өвлийн идэш” арга хэмжээг 2023 оны 11 дүгээр сарын 17-30-ны өдрийг дуустал Залуучууд театрын гадна "Найрамдал" талбайд зохион байгуулах гэж байна.

Энэ арга хэмжээний үеэр Мал эмнэлгийн байгууллагын үзлэг шинжилгээнд хамрагдсан, гарал үүсэл нь тодорхой, уламжлалт аргаар эрүүл ахуйн шаардлага хангасан мал нядалгааны цэгт бэлтгэсэн махыг дундын зуучлагчгүй үнээр малчид өөрсдөө иргэдэд худалдаална.

Мөн сүү, цагаан идээ, орон нутгийн онцлогтой бүтээгдэхүүн, хүйтэн темпаратурт худалдан борлуулагдаж болохуйц бүх төрлийн хүнсний бүтээгдэхүүнүүд худалдаалагдана.

Худалдаа эрхлэгч нь хувийн ариун цэврийг хангаж хүнсний бээлий, хормогчтой үйлчилгээ үзүүлж борлуулсан бүтээгдэхүүнийг савлаж шаардлагууд тавигдана гэж Дархан-Уул аймгийн ЗДТГ-аас мэдээллээ.