Хөвсгөл аймгийн “Скай” телевизийн сэтгүүлч, зураглаачдыг сонгуулийн үеэр нэг талыг барьсан сурталчилгаа явуулсан хэмээн тус телевизийн толгой компани болох “Хөвсгөл ньюс” ХХК-ийн гүйцэтгэх захирал Б.Ганзориг хоёр залуу, нэг эмэгтэйн хамтаар зодсон талаар мэдээлсэн. Халдлагад өртсөн дөрвөн сэтгүүлч, гурван зураглаач бүгд тархиндаа хүнд гэмтэл авсан бөгөөд шүүх эмнэлгийн магадлагаа өнөөдөр гарах юм. Харин аймгийн цагдаагийн хэлтсээс Б.Ганзориг хамт явсан хүмүүсийг сэжигтнээр тооцож, эрүүгийн хэрэг үүсгэсэн байна. Одоогоор мөрдөн байцаалтын шатандаа яваа аж. 
Б.Чимэг