Улсын Их Хурлын ээлжит бус чуулганыг 2012 оны наймдугаар сарын 29-ний өдрөөс эхлүүлж, Орон нутгийн хурлын сонгуулийн тухай хуулийн төсөл, 2012 оны улсын төсвийн тухай хуульд нэмэлт, өөрчлөлт оруулах тухай хуулийн төсөл болон бусад асуудлыг хэлэлцэхээр төлөвлөж байна.
Ээлжит бус чуулганаар хэлэлцэх асуудлыг УИХ-ын даргын дэргэдэх Зөвлөлийн хуралдаанаар хэлэлцэн ойрын үед эцэслэн шийдэж УИХ-ын дарга захирамж гаргах юм гэж УИХ-ын Тамгын газрын Хэвлэл мэдээлэл, олон нийттэй харилцах хэлтэс мэдээлэв.