Энэ сарын 3-ны өдөр Баянгол дүүргийн нутаг Шастины нэрэмжит гуравдугаар эмнэлгийн баруун талд баригдаж байсан барилгад бетон зуурмаг шахаж байсан машины кран унаж, 10 настай хүүхэд эндсэн харамсалтай хэрэг гарсан.
Уг хэргээс хойш хотын дарга Э.Бат-Үүл Баянгол дүүргийн Засаг дарга Л.Амгаланд хариуцлага тооцож, огцруулах саналыг тус дүүргийн ИТХ-д хүргүүлсэн. Харин Э.Бат-Үүл даргын тавьсан хүсэлтийг Баянгол дүүргийн ИТХ хэлэлцээд энэ хэрэгт Засаг дарга Л.Амгаланг буруугүй гэж үзээд огцруулах саналыг дэмжээгүй байна.
Өөрөөр хэлбэл, бүрэн эрхийнх нь хугацааг дуустал Л.Амгаланг огцруулах шаардлагагүй гэж үзжээ.
Эх сурвалж:"Өглөөний Сонин"
