"Ганнам Стайл" дуугаараа залуусыг байлдан дагуулаад байгаа Өмнөд Солонгосын рэппэр Сай (PSY) мягмар гаригт нийслэл Сөүл хотод үнэгүй тоглолтоо хийжээ.  Сай буюу Пак Чэ Сан  "Жамсил" цэнгэлдэхэд болсон тоглолтынхоо үеэр 'Right Now,' болон 'Bird' зэрэг хит дуунуудаа дуулсан байна. Түүний тоглолт хоёр цаг гаруй үргэлжилжээ. Гэхдээ үзэгчдийг хамгийн ихээр хөгжөөсөн нь Сайгийн  "Ганнам Стайл" дуу байлаа. Түүний энэ дуугаа дуулахдаа бүжиглэдэг бүжиг дуутайгаа адил хит болоод байгаа гэхэд болно.
Тоглолтын үеэр лазер гэрлийн үзүүлбэрээс гадна рэппэрийг зөвхөн дотуур хувцастайгаар дүрсэлсэн хөшөө олон хүний анхаарлыг татжээ. Энэ тоглолтыг үзсэн 8.000 хүн онлайн лоттогоос тасалбараа хожсон байна.
Сайгийн "Ганнам Стайл" дууны видео клип "YouTube" сайтад тавигдсанаасаа хойш 300 сая гаруй хандалт авсан байна. Тэрээр Америкийн менежер Скүтер Браунтай хамтран ажилласан бөгөөд 'MTV Video Music Awards' болон 'Today Show' зэрэг хэд хэдэн шоунд оролцжээ.
"Ганнам Стайл" дуу өнгөрөгч ням гаригт Английн шилдэг дууны жагсаалтуудыг тэргүүлж, Америкийн Биллбоард жагсаалтын хоёрдугаарт бичигдсэн байна. 12 жилийн өмнөөс уран бүтээлээ туурвиж эхэлсэн Сай Өмнөд Солонгостоо цөөнгүй хит дуу гаргажээ.
Э.АМАР