Өнгөрсөн УИХ-ын сон­гуулиар МАН-аас нэр дэвшсэн Б.Чойжилсүрэн, Ч.Хүрэлбаатар нар Увс аймгийн сонгогчдод мөнгө тараасан гэх мэдээллийг ТЕГ-аас яллах дүгнэлт үйлдэж, Нийс­лэлийн прокурорын газарт шилжүүлэх гэж байгаа талаар өмнө нь бид мэдээлсэн. Зарим эх сур­валжийн мэдээлж буйгаар Б.Чойжилсүрэн, Ч.Хүрэл­баатар нарын туслах Ш.Чин­бат, Я.Баттогтох нар иргэдийн саналыг худалдаж авах зорилгоор бусдад мөнгө тарааснаа хүлээсэн аж. Тиймээс Ш.Чинбат, Я.Баттогтох нарыг сонгууль буд­лиантуулж, төрийн эрх мэдлийг хууль бусаар авах хуйвалдаан зохион байгуулсан гэх үндэслэлээр яллах дүгнэлт үйлдэж байгаа юм байна.
Тиймээс хоёр ги­шүүний тус­лахууд нь мөнгө тарааснаа хүлээсэн учраас Б.Чой­жилсүрэн, Ч.Хүрэл­баа­тар нарыг УИХ-ын ги­шүүнээс эргүүлэн татах асуудал яригдаж магадгүй байна. Гэхдээ прокурорын бай­гууллагаас мөрдөн бай­цаалтын ажиллагаа хэр явагд­сан эсэхэд хяналт тавьсны дараа уг асуудлыг ярьж эхлэх тухай баттай эх сурвалж мэдээллээ.