Хүн төрөлхтнийг 2012 оны арванхоёрдугаар сарын 21-нд ертөнцийн төгсгөл ирэх үү гэсэн асуудал зовоож байгаа нь лавтай. Хэвлэл мэдээл­лээр ертөнцийн төгс­гөл ирэх нь энэ үү гэмээр байгалийн гамшгуудын тухай цацагдаж, хүмүүсийг улам түгшээсээр л байгаа. Гэх­дээ зарим нь ертөнцийн төгсгөл хэмээх үгийг сонс­могцоо “Бурхан минь, дахиад л ертөнцийн төгсгөл үү” хэмээн бодож байж мэднэ. Яагаад гэвэл 2000, 2005, 2010 онд ч ертөнц мөхнө гэж айлгаж байсан билээ. Зарим нь “Энэ өдөр юу болох бол. Библид заасан дэлхийн бүх хүнийг устгаж, Шүүх өдөр ирж байгаа нь энэ үү” хэмээн дотроо тунгааж буй нь лавтай. 
Ямартай ч хүсэн хүлээсэн 2012 оны арванхоёрдугаар сарын 21 болоход сар хагасын хуга­цаа үлдлээ. Энэ өдөр ойртох тусам хүн төрөлхтний түгшүүр нэмэгдсээр л. 

Дуусдаггүй ертөнцийн төгсгөлүүд

Ертөнцийн төгсгөл хэмээх энэ үг чухам хаанаас гарч ирэв. Үүнийг ойлгохын тулд юуны өмнө ертөнцийн төгсгөлүүдийг жагсааж бичих нь зүйтэй болов уу.
1284 он. Ромын пап III Иннокентий исламын шашин үүссэн үе дээр 666 жилийг нэмээд, энэ оныг галавын эцэс хэмээн мэдэгдсэн.
1666 он. Зургаан зуун жаран зургаа гэдэг нь чөт­гөрийн тоо гэдгийг бүгд мэд­нэ. Энэ онд хүмүүс эцэг, хүү ариун сүнс бус, харин сатана ирнэ гэж айж байлаа.
1919 он. Одон орон судлаач Альберт Порта энэ онд нар дэлбэрч, дэлхий үүнд нь өртөнө гэж тооцоолжээ. Гэвч ийм зүйл болоогүй тул суд­лаач алдаа гаргаснаа хүлээж, олны өмнө уучлалт гуйсан аж.
2008 он. Дэлхий дээр 800 метрийн диаметртэй астероид унана хэмээж байв.
2009 он. Нострадамус Питер Лорийн нууцыг тай­лах төвөөс энэ онд Армагеддон буюу ертөнцийн төгс­гөл болно гэж үзжээ.
2010 он. Нефтийн нөөц шавхагдаж, хүн төрөлхтөн байгалийн энэ баялгийн төлөө дайтна. Түүнчлэн дэлхий нарнаас холдоно. Гэхдээ энэ нь түр зуурын ертөнцийн төгсгөл юм.
2011 он. Майягийн хуан­ли дуусч байгаа үе. Энэ онд ер­­­төнцийн төгсгөл ирнэ гэж сү­сэг бишрэлээр итгэсээр ир­жээ. Түүнч­­лэн “2005 YU55” хэ­­­­­мээх ас­те­роид­той мөргөл­дөнө.
2012 он. Бас л майягийн хуанлийн удаан хүлээсэн ертөн­­цийн төгсгөл. Индиго буюу гасан хүүхдүүд үүнд бэлт­­­­гэхийг зөвлөжээ. Дэл­хийн хүн амын ердөө 0.5 хувь нь л амьд гарах болол­цоо­­той.
2013 он. Бурхдын мөхөл буюу Шүүх өдөр. Эхлэл төгсгөлийн өдөр. Нас барагдсдад үхэл, бурхдад амьдрал ирдэг.
2014 он. Астрофизикчид манай нарны системд сансрын тоосны үүл хурал­даж, байгаа бүхнийг за­маасаа хамж авч явна гэж ярь­даг. Гунигт ертөнцийн төгс­гөл юм.
2015 он.  Соёл иргэншлийг мөхөөх 9576 жилийн мөч­лөгийн төгсгөл.
2016 он. Дэлхийн цаг уурын байдлын шинжээч Жеймс Хансен энэ онд дэлхийн бүх мөс хайлж, эх газар усанд живнэ гэж ба­талж байна.
2017 он. Шаталсан гамш­гийн онолоор ертөнцийн төгс­гөл ирнэ.
2018 он. Нострадамусын зөг­­­­нөснөөр цөмийн дайн бол­но.
2019 он. “2002 NT7” хэ­­­­­мээх астероидтой мөр­гөл­дөнө.
2020 он. Иоанн Богос­ловын зөгнөлд үндэс­лэн Исаак Ньютон энэ онд ер­төн­цийн төгсгөл ирнэ гэж тоо­­цоол­­жээ.
Энэ бол ертөнцийн төгс­гөлийн тухай бүх зөгнөл ч биш. Үүнийг уншаад та 2012 оны арванхоёрдугаар сарын 21-нийг ээлжит шуугиан юм байна даа гэж бодож суугаа байх.

Майячууд дургүйцэж байна

Майячуудын хуанлигаас болж гарсан энэ шуугианд Гва­темалын уугуул иргэд, майя түмэн илт дургүйцэж бай­на.
Ялангуяа тэд Засгийн газраа болон төрөөс сан­хүүж­дэг аялал жуулчлалын ком­­паниудаа “Ертөнцийн төгс­гөлийн талаар худал мэ­дээ­лэл цацаж, их хэмжээний ашиг олж байна” хэмээн буруутгажээ.
Гватемалын Соёлын яам саяхан 90 мянган хүнийг хам­руулсан “Ертөнцийн төгс­гөл” хэмээх баярыг зохион байгуулсан юм. Үүнийг “Oxlaljuj Ajpop” (Майя түмний нэгдэл)-ийн тэргүүн Фелипе Гомес болон бусад төлөөлөгчид эсэргүүцэж, “Майячуудын соёлыг гутаан доромжиллоо” хэмээн мэдэгджээ. Фелипе Гомес “Бид худал хуурмаг, үнэнийг гажуудуулж, бидний аман зохиолоор ашиг олж буйг эсэргүүцэж байна. Тэд цагийн мөчлөгийн талаар худал хуурмаг зүйл ярьж байна” хэмээсэн байна.
“Oxlaljuj Ajpop”-ийн мэдэг­­дэлд “Майягийн хуанли дуусч байгаа нь хувь хүн, гэр бүл, нийгэмд томоо­хон өөрчлөлт гарч, хүн төрөлх­төн байгальтайгаа төгс зохицохыг илэрхийлж буй” гэжээ. 
Харин дэлхий ертөнц ор­шин тогтнохоо болино гэдгийг майячууд өөрсдөө үгүйсгэсэн байна.